قىتاي قىرعىزستاننىڭ قارىزىن جەرمەن قايتارىپ الا ما؟

1210
بەيجىڭ "بىشكەك قارىزدى تولەۋى ءتيىس" ەكەنىن العا تارتۋدا.

قىرعىزستان بيلىگى ەكسپورت-يمپورت بانكىمەن قارىزدى كەشىرۋ تۋرالى كەلىسسوز جۇمىستارىن جۇرگىزگەن بولاتىن. بۇل تۋرالى قىرعىزستاننىڭ قارجى ءمينيسترى باقتىگۋل جەەنباەۆا قىركۇيەك ايىندا وتكەن پارلامەنت وتىرىسىندا ايتتى.

الايدا بۇگىن كەلىپ تۇسكەن اقپارات كوزدەرىنە سۇيەنسەك، قىتاي تاراپى قىرعىزستاننىڭ قارىزىن كەشىرۋدەن ءۇزىلدى-كەسىلدى باستارتقان. وعان سەبەپ رەتىندە "بىشكەكتىڭ ءال-اۋقاتى، ەكونوميكالىق دەڭگەيى قارىزدى تولەۋگە جەتىپ تۇر", - دەپ جاۋاپ بەرگەن رەسمي بەيجىڭ.

2019 جىلدىڭ قىركۇيەك ايىنىڭ دەرەككوزدەرىنە سايكەس،  قىرعىزستاننىڭ قىتايعا قارىزى $3 ملرد 785,9 ملن دوللارعا جەتكەن. بۇل ءىجو-ءنىڭ 43,7%-نا تەڭ. قارىزدىڭ ەڭ كوپ بولىگى قىتايدىڭ ەكسپورت-يمپورت بانكىنە تيەسىلى، ونىڭ دەڭگەيى$1 ملرد 703,9 ملن قۇرايدى.

ەستەرىڭىزگە سالا كەتەيىك،  وسى كۇنگە دەيىن قىرعىزستاندا "قارىز كەپىلدىگىندە" قالعان ادامداردىڭ ماسەلەسى ءورشىپ تۇرعان ەدى.

وسى سەبەپتەن ۇلتشىلدار قارىزدىڭ قارىمتاسى جەرمەن قايتارىلا ما دەپ الاڭداۋدا.

"ادىرنا" ۇلتتىق پورتالى

پىكىرلەر