فەيسبۋكتا پوستىڭىز كوپ وقىلسىن دەسەڭىز...

596

Facebook-تا بولىسكەن بارلىق اقپارات ساقتالىنادى 

ارينە، الەۋمەتتىك جەلى جاريالاعان، جۇكتەگەن بارلىق فوتو، جازبا، قىزىققان ءىس-شارالار، فوتو، ۆيدەو، ءسىزدى بەلگىلەگەن سۋرەتتەر، جەكە حاتتار، دوستارىڭىز، اككاۋنتقا قوسىلعان كۇنىڭىز جانە قانداي تەلەفون ارقىلى كىرگەنىڭىز ساقتالادى.

جاريالانباعان جازبالار 

كەزەكتى جازباڭىزدى جازىپ، كوپشىلىكتىڭ نازارىنا ۇسىنار الدىندا اينىپ قالىپ، ونى ءوشىرىپ تاستاساڭىز دا Facebook ساقتاپ قالادى.

وشىرىلگەن جازبالار 

جازعان پىكىرىڭىزدى ءوشىرىپ تاستادىڭىز با؟ ول كورىنبەي تۇرسا دا، اقپارات سەرۆەرىندە ساقتالادى. Facebook-ءتىڭ بۇرىنعى قىزمەتكەرى 2013 جىلى بىلاي دەپ جازعان ەدى. «Facebook-كە اقشا بەرسەڭىز دە ءسىز تۋرالى مالىمەتتەردى وشىرمەيدى. اككاۋنتىن وشىرۋگە بەل بۋعان ادامنىڭ جەكە اقپاراتى ءبىر ادامعا بايلانىستى بولمايدى. بار بولعانى وسى» دەيدى ول.

ادامنىڭ ءتۇر الپەتى 

Facebook-تە DeepFace باعدارلاماسى جۇمىس ىستەيدى. ول ادامداردىڭ جۇزىنەن تاني الادى. دوسىڭىز فوتودا ءسىزدى بەلگىلەگەن سايىن، ول DeepFace بازاسىن تولتىرىپ وتىرادى. ەندىگى جولى باعدارلاما ءسىزدى ەشبىر قيىندىقسىز «تانيدى».

ءسىز كورسەتپەگەن مالىمەتتەر 

Facebook ءوزى نەمەسە سەرىكتەستەرىنىڭ كومەگىمەن الەۋمەتتىك جەلىگە تىركەلگەندەردىڭ پاراقشاسىن ساراپتايدى. وعان قانداي جارناما قىزىقتىرادى، تەلەفون نومەرلەرى، ءۇي مەكەن-جايى جانە قوسىمشا ەلەكتروندى پوشتا، ورنالاسقان جەرى، جىنىسى، ءتىلى، ءبىلىم دەڭگەيى، كىرىسى، ءۇيدىڭ باعاسى، اۋماعى جانە ءۇيدىڭ سالىنعان جىلى دەگەن سەكىلدى اقپاراتتى جيناستىرادى.

پوستىڭىزدى مەيلىنشە از ادام كورگەنىن قالايسىز با؟

ەندەشە پوستقا بىرنەشە ادامدى تەگتەپ قويىڭىز. فەيسبۋك الگوريتمى مىندەتتى تۇردە بۇل پوستتى كوپ ادامعا كورسەتپەيدى، وسىلايشا شىنىمەنەن قىزىق ەمەس پوستىڭىزدى كوپشىلىك كورمەيدى.

فەيسبۋكتا سىلتەمەنى قالاي بولىسكەن دۇرىس؟

بىزگە فەيسبۋك البەتتە الگوريتمى قالاي ىستەيتىنىن ايتپايدى. تەك تاجىريبە ارقىلى عانا وزىمىزگە قاجەتتىسىن تۇسىنۋگە تىرىسامىز. سىلتەمە ءبولىسۋدىڭ 3 ءتۇرى بار:

- شاعىن ءماتىن جانە سىلتەمەنىڭ ءوزىن سنيپپەتى ارقىلى شىعارۋ;
- سۋرەت-پوستتىڭ ۇستىنە ءماتىن جانە سىلتەمە ورنالاستىرۋ;
- پوستتىڭ استىنا العاشقى كومەنتكە سىلتەمە قويۋ.

اركىمگە ءوزىنىڭ ءادىسى دۇرىس سياقتى كورىنەدى. نەگىزى سولاي البەتتە. ناتيجە اكەلەتىن ءادىستى قولدانعان دۇرىس. مەنىڭ ءجيى قولداناتىنىم: دۇرىس پرەۆيۋلى سنيپپەت، ياعني تۇسىنىكتى تاقىرىپ جانە ليد ۇستىندە دۇرىس كورىنەتىن سۋرەت.

بىراق ءبىر جامان جەرى بار. ەگەر ءوز اككاۋنتىڭمەن سول سايتتىڭ سىلتەمەلەرىن تارگەتكە شىعاراتىن بولساڭ، زالىم فەيسبۋك جەكە پاراقشاڭدا شىعارساڭ دا سىلتەمەڭدى كوپشىلىككە كورسەتپەيدى. ويتكەنى ونىڭ الدىندا پاراقشا ارقىلى تارگەتكە اقشا تولەپ ءجۇردىڭ، سەندە اقشا بار ەكەنىن بىلەدى. سوندىقتان تاعى دا تولەپ وتىرۋعا يتەرمەلەيدى. سول سياقتى وزىنە باسەكەلەس يۋتۋبتىڭ سىلتەمەسىن بولىسسەڭ دە شىقپايدى.

نە قىزىقتىرادى؟

Facebook-كە 360 گرادۋستى ۆيدەولاردى جۇكتەۋگە بولادى. ونىمەن كامەرامەن قايدا بۇرعىسى كەلەسە دە، بۇرا الادى. ال الەۋمەتتىك جەلى سىزگە قانداي سالالار قىزىقتىراتىن زەرتتەيدى.

Facebook-تەن تىس 

Facebook ءسىزدىڭ باسقا قانداي سايتتارعا كىرەتىنىڭىزدى باقىلايدى. ءتىپتى ءسىز الەۋمەتتىك جەلىدەن شىعىپ كەتسەڭىز دە كۋكي ارقىلى ءسىزدى اڭدۋعا تىرىسادى. Facebook كۋرسوردىڭ ورىن الماسۋىنا دەيىن اڭدي الادى. بۇل اقپاراتتارمەن Facebook نە ىستەيدى؟ اتالمىش اقپاراتتى ءتۇرلى ماقساتتا قولدانادى. ەڭ الدىمەن قانداي جارناما قىزىقتىراتىنىن ءبىلۋ ءۇشىن. بىراق كومپانيا جاسىرىن تۇردە ءسىزدىڭ باسقان لۇپىلدەرىڭىز بەن جاڭالىقتارىڭىزدى باقىلاي وتىرا الەۋمەتتىك تاجىريبە مەن زەرتتەۋلەر جاساۋى مۇمكىن. ءسىز تۋرالى اقپاراتتى مەملەكەتتىك ورگاندار مەن ساقتاندىرۋ كومپانيالارىنا بەرە الادى. كومپانيا قىزمەتكەرلەرى ونى جەكە ماقساتى بويىنشا دا زەتتەۋى ىقتيمال.

نە ىستەۋ كەرەك؟ 

ۆيكي بويكيس ءFacebook–تى قولدانعاندا پايدالاناتىن ءوز ەرەجەلەرىمەن ءبولىستى. جەكە باسىڭىزعا قاتىستى كوپ اقپارات جاريالاماڭىز. بالالارىڭىزدىڭ فوتوسىن شىعارماڭىز. اسىرەسە ول فوتوعا رۇقسات بەرە الاتىن جاسقا دەيىن جەتپەگەنشە. Facebook-ءتى قولدانىپ بولعاننان كەيىن، جەلىدەن مىندەتتى تۇردە شىعىپ كەتىڭىز. Facebook ءۇشىن بولەك براۋزەر قولدانىڭىز. جارنامالاردى بۇعاتتاپ وتىرىڭىز. Facebook-ءتى، ونىڭ ىشىندە Facebook Messenger-ءدى ساياسي شارالاردى ۇيىمداستىرعان ۋاقىتتا قولدانباڭىز. پىكىر الاڭى رەتىندە Facebook-ءتىڭ ءوزىن پايدالانىپ، حات الماسۋعا باسقا مەسسەندجەردى قولدانعان ابزال. ماسەلەن، Signal, Telegram (لاجى بولسا Facebook–كە تيەسىلى ەمەس مەسسەندجەرى بولعانى دۇرىس).

 

(ۆيكي بويكيس جانە ارشات ورازدىڭ 

مالىمەتتەرى نەگىزىندە دايىندالدى) 

پىكىرلەر