ىرىم-تىيىمدار. ۇيگە كىرەردە سۇرىنسەڭىز قۋانا بەرىڭىز..

806
ءۇي تۇرمىسى. ۇلتتىق ۇعىمدا ءۇي تۇرمىسى جانە ونىڭ ءاربىر قۇرامداس بولشەگى قاسيەتتى دەپ سانالادى. سوعان وراي اتا – بابالارىمىز ءاربىر زاتقا لايىق ۇلىقتاۋ، تەڭەۋ سياقتى قاناتتى سوزدەر شىعارعان. اركىم ءوز ءۇيىن التىن بوساعام دەپ دارىپتەيدى.

ءۇيدى اينالما
ءۇيدى اينالىپ جۇگىرمە، باس اينالار تۇبىندە.
جۇرت تىنىشتا – ەل امان، سرىنەرسىڭ تۇبىرگە.
حالىق بەرەر باعاسىن، سەن ازىرگە بالاسىڭ.
ءۇيدى اينالساڭ، وسكەندە ۇيكۇشىك بوپ قالاسىڭ.

• جاڭا ۇيگە كوشىپ كەلگەن وتباسىنا «قوناق جايلى بولسىن!» دەيدى.
• ەگەر ۇيگە بايعىز قونىپ، باقىراتىن بولسا، بۇل ءۇيدىڭ يەسى ۇلكەن باقىتسىزدىققا ۇشىرايدى. ەگەر، كەرىسىنشە، قارعا قارقىلداسا، وندا باقىتتى بولادى.
• ۇيگە كىرىپ كەلە جاتقان ادام ءسۇرىنىپ كەتىپ كۇلاسا، ءۇي يەسى كەنەتتەن مالمۇلىككە يە بولادى، داۋلەت ارتادى.
• ۇيگە جۇگىرىپ كىرمەيدى.
• قىستاۋدان جايلاۋعا العاش رەت كوشكەن كەزدە، ءبىرىنشى كۇگى قىستاۋدىڭ ماڭىنا، جول بويىنا ايالدايدى. ودان سوڭ ءارى قاراي قوزعالعاندا جولدىڭ ەكى جاعىنان ۇلكەن ەكى وت جاعادى، سودان كەيىن وتتىڭ اراسىنان جۇك تيەلگەن تۇيەلەردى قوقىستان وتكىزەدى. بۇل قاسقۇنەم رۋحتار مەن جىن - شايتاننان ساقتانۋ ءۇشىن جاسالادى، وتكەنى ولار كوشتى اڭدي الماي، وت ىشىندە قالىپ قويادى.
• ۇيدە قۇمىرسقا كوبەيىپ كەتسە، جىلقىنىڭ ەكى تەزەگىن ۋىققا ءىلىپ قويادى.
• يت ۇلىسا، شاڭىراقتا جامانشىلىق بولادى.
• كورپەنىڭ تۇيىعىن ىرگە جاققا قاراتىپ توسەيدى.
• ءۇي سىرتىنا يت سارىپ كەتسە، قۇت بولادى دەپ جاقسىلىققا جوريدى.
• جاڭادان قايناتقان سابىندى جوعارى قويسا، ول ۇيگە تۇسكەن كەلىن وركوكىرەك بولادى.
• نەسىبەسى كوپ، داستارقانى مول بولسىن دەپ جاڭا ءۇيدىڭ بوساعاسىن مايمەن مايلايدى.
• پالە - جالادان اۋلاق دەپ جاڭا ۇيلەنگەن جاستاردىڭ توسەگىن ارشا تۇتىنىمەن ىستايدى.
• ۇيگە جىلان كىرىپ كەتسە، ونىڭ باسىنا اق ء(سۇت تاعامى) قۇيىپ شىعارىپ بارىپ ولتىرەدى. «جىلانعا دا اق قۇيىپ شىعارادى».
• ءبىر ۇيگە شارۋاسى بولىپ كەلگەن ادام وتىرۋى، اسىعىس بولسا، ءبىر تىزەسىن بۇگۋى كەرەك. ويتپەسە كەلگەن ءۇيدىڭ سيىرى تۇرەگەپ بۇزاۋلايدى دەيدى.
• تۇندە ءۇي سىپىرمايدى، تىرناق المايدى.
• سىپىرعىشتى تىك قويمايدى جانە جوعارى قويمايدى.
• جازدا ۇيگە قۇيىن كەلە جاتسا ۇلكەن - كىشىلەر قولىنا تاياق الىپ ونى «تازدىڭ ۇيىنە بار، پالەنشە تازدىڭ ۇيىنە بار!» دەپ قۋالايدى.
• ءۇيدىڭ شاڭىراعىنا قارلىعاش ۇيا سالسا، ول ءۇي بالاپان ۇشىپ كەتكەنشە كوشپەيدى، ۇياسىن بۇزبايدى.
• بىرۋەدىڭ ءۇيى ورتەنسە ونىڭ ارتى جاقسىلىق بولادى دەپ ىرىمدايدى.

"ادىرنا" ۇلتتىق پورتالى
پىكىرلەر