بيلىكتىڭ "ماسىل" انالارعا كوزقاراسى وزگەردى

674

اتاۋلى الەۋمەتتىك كومەك بويىنشا 2020 جىلدىڭ 1 قاڭتارىنان باستاپ:

● 4 بالاسى بار وتباسىلارعا – 42500;

● 5 بالاسى بار وتباسىلارعا – 53125;

● 6 بالاسى بار وتباسىلارعا – 63750;

● 7 بالاسى بار وتباسىلارعا – 73375 تەڭگە كومەك تاعايىندالادى. قازاقستانداعى الەۋمەتتىك جاردەماقىلار مەن تولەمدەردى كىمدەر الادى؟ مەملەكەتتىك اتاۋلى الەۋمەتتىك كومەك وتباسىنىڭ ورتاشا تابىسى جان باسىنا شاققانداعى وبلىستاردا، رەسپۋبليكالىق ماڭىزى بار قالادا، استانادا بەلگىلەنگەن كەدەيلىك شەگىنەن اسپايتىن ادامدارعا نەمەسە وتباسىعا شارتسىز جانە شارتتى اقشالاي كومەك تۇرىندە بەرىلەدى. ااك-ءنىڭ جاڭارتىلعان فورماتى: وتىنىشتەردى قابىلداۋ قاشان، قاي جەردە قابىلدايدى؟ جاڭارتىلعان اتاۋلى الەۋمەتتىك كومەك كورسەتۋگە وتىنىشتەردى قابىلداۋ 2020 جىلدىڭ 1 قاڭتارىنان باستالادى. ول ءۇشىن تۇرعىندار تۇرعىلىقتى جەرى بويىنشا جۇمىسپەن قامتۋ ورتالىعىنا جۇگىنۋ قاجەت. ەگەر، وتباسى اۋىلدىق جەردە تۇرسا – كەنت، اۋىل، اۋىلدىق وكرۋگتەردىڭ اكىمدەرىنە جۇگىنەدى. ااك-ءنى تاعايىنداۋ ءۇشىن مىنا قۇجاتتار قاجەت ءوتىنىش بەرۋ جانە سايكەستەندىرۋ ءۇشىن تەك جەكە كۋالىكتى ۇسىنۋ قاجەت. بۇل رەتتە، ءوتىنىشتى بەرۋشىگە سايكەستەندىرۋ ءۇشىن وزىمەن بىرگە جەكە باسىن كۋالاندىراتىن قۇجات (قازاقستان رەسپۋبليكاسى ازاماتىنىڭ جەكە كۋالىگى (تولقۇجاتى), قازاقستان رەسپۋبليكاسىندا تۇراقتى تۇراتىن شەتەلدىكتىڭ تۇرۋعا ىحتيارحاتى، ازاماتتىعى جوق ادامنىڭ كۋالىگى، بوسقىن كۋالىگى), ال ورالماندار ءۇشىن – ورالمان كۋالىگى بولۋى ءتيىس. جاردەماقىنى تولىق مولشەردە الۋ ءۇشىن قۇجاتتاردى ايدىڭ باسىنان بەرۋ قاجەت ەمەس مىندەتتى ەمەس. ااك ءوتىنىش بىلدىرگەن ايدان باستاپ تاعايىندالادى جانە ءوتىنىش بەرگەن كۇنگە بايلانىستى ەمەس.

كوپ بالالى وتباسىلاردى قولداۋ بويىنشا ىسكە قوسىلاتىن شارالار

1. كوپ بالالى انالارعا ءوز بيزنەسىن اشۋ ءۇشىن جەڭىلدىكپەن ميكرو كرەديت جانە قايتارىمسىز گرانتتار بەرىلەدى.

2. كوپ بالالى وتباسىلاردى شاعىن جانە كىشى، سونىڭ ىشىندە ۇيدە بيزنەسكە تارتۋ قۇرالدارىن ەندىرۋ بويىنشا «ەڭبەك» مەملەكەتتىك باعدارلاماسىنا مىنانداي وزگەرىستەر ەنگىزىلەدى:

● ميكروكرەديت مەرزىمىن 7 جىلعا دەيىن ۇلعايتۋ;

● ۇستەماقىنىڭ نومينالدى جارناسىن 4%-عا دەيىن تومەندەتۋ;

● تۇرىپ جاتقان جەرىنە قاراماستان (قالا / اۋىل) بەرىلەتىن ميكروكرەديت سومماسى بويىنشا شەكتەۋلەردى الىپ تاستاۋ;

● از قامتىلعان جانە كوپ بالالى وتباسىلاردى جۇمىسپەن قامتۋ بويىنشا نىسانالى ينديكاتورىن بەكىتۋ (ميكروكرەديت، گرانت بەرۋ). سونىمەن قاتار، از قامتاماسىز ەتىلگەن وتباسىلار ءۇشىن قوسىمشا الەۋمەتتىك كەپىلدەندىرىلگەن پاكەت ەندىرىلەدى.

"ادىرنا" ۇلتتىق پورتالى

پىكىرلەر