ارىستا تاعى دا جارىلىس

1528

ارىس قالاسىندا تاعى دا وق دارىلەر وزدىگىنەن جارىلىپ كەتكەن.

 ارىس قالاسىنان 60 شاقىرىم جەردە ورنالاسقان ارنايى جاساقتالعان پوليگوندا جارىلىس بولدى، دەپ حابارلايدى قازاقستاننىڭ قورعانىس مينيسترلىگى.

"21 قىركۇيەكتە جوسپارلانعان جارۋ جۇمىستارى كەزىندە وق-ءدارى بولشەگى وزدىگىنەن جارىلىپ كەتتى. وقىس وقيعا سالدارىنان كونتراكت بويىنشا اسكەري قىزمەت ەتىپ جۇرگەن 10 ارنايى دايارلانعان ساپەرگە جارقىنشاق ءتيىپ جارالاندى", - دەلىنگەن حابارلامادا.

اسكەري قىزمەتكەرلەر قازاقستان رەسپۋبليكاسى قورعانىس مينيسترلىگىنىڭ دالالىق گوسپيتالىنە جاتقىزىلعان. ولارعا قاجەتتى مەديتسينالىق كومەك تولىققاندى كورسەتىلىپ جاتىر، دەپ مالىمەت بەردى مينيسترلىكتىڭ ءباسپاسوز قىزمەتى.

وقيعانىڭ ءمان-جايى مەن سەبەپتەرىن انىقتاۋ ماقساتىندا شارالار جۇرگىزىلىپ جاتىر.

 

"ادىرنا" ۇلتتىق پورتالى

 

 

پىكىرلەر