تۋعان جەر

214

 

“تۋعان جەر” شىعارماشىلىق بايقاۋىنا قاتىسۋشىلاردىڭ تۋىندىلارىن پاراقشامىزعا جاريالاۋدى باستادىق. كەلەسى كەلىپ تۇسكەن تۋىندى «ۇزدىك پوەزيا» اتالىمى بويىنشا قۋانىشباەۆا ايگەرىم نۇرعازىقىزى.

 

بايلانىس تەلەفونى: 87071771374
ەلەكتروندىق پوشتاسى: aikerim.sdu@gmail.com

 

 

تۋعان جەرىم-اي!
توسكەيىڭدەگى تاسىڭدا ءاربىر تاعىلىم.
كورەتىن مەنىڭ جارىعىم.
ءتۇپ-ءتۇزۋ بارىپ جۇرەگىمە جول باستايتىن
سەن مەنىڭ كۇرەتامىرىم!

تۋعان جەرىم-اي!
ولەڭ قىپ ورگەن ادالدىق كۇيىن، ار كۇيىن،
تىڭداعان العاش ءالديىم.
سەن جاقتان شىعار شاپاعات نۇرمەن ويانىپ،
جۇلدىزىڭ ساناپ قالعيىن.

تۋعان جەرىم-اي!
كيەلى جىپپەن كەسىلگەن العاش تۇساۋىم.
كەۋدەمدەگى ۇلى كۇش-اعىن.
ساعىنعان ساتتە مۇڭ قۇشىپ، ءسۇيىپ الار ەم،
كەڭ بولسا سەندەي قۇشاعىم.

تۋعان جەرىم-اي!
ولشەمىن ءومىر تابا بەرمەيتىن سۇلۋىم،
ورىلگەن العاش بۇرىمىم.
سامعاسام كوككە تالمايتىن قانات بىتىرگەن
وزىڭدە جاتىر تۇعىرىم.

تۋعان جەرىم-اي!
سۋساپ ءبىر بارىپ سۋسىنىم قانعان تۇنىعىم،
جەلىدە قالعان قۇلىنىم.
اۋلاقتا جۇرسەم، اڭساتىپ ءالى تۇرادى
توپىراق دەگەن ءبىر ۇعىم.

تۋعان جەرىم-اي!
سابىلىسى مەن جالىنىسىڭ سەن جىلداردىڭ،
سىڭعىرى سەندە سىرعامنىڭ.
قياڭداعى ۇرپەك بالاپاندارىڭ ءۇشىن مەن
بار بيىگىممەن قۇربانمىن.

تۋعان جەرىم-اي!
قويناۋى قۇت پەن تۇياعى تۇلپار كيەلىم،
باسىمدى ساعان يەمىن!
باستاۋىم بولعان باقىتىم مەنىڭ ءوزىڭدى
وزىمنەن ارتىق سۇيەمىن!

پىكىرلەر