تۋعان جەرگە - تاعزىم

145

“تۋعان جەر” شىعارماشىلىق بايقاۋىنا قاتىسۋشىلاردىڭ تۋىندىلارىن پاراقشامىزعا جاريالاۋدى باستادىق. كەلەسى كەلىپ تۇسكەن تۋىندى «ۇزدىك ماقالا» اتالىمى بويىنشا بايدراحمانوۆا نۋربانۋ جۋمابەكوۆنا.

Nurbanu-91@mail.ru
تەلەفون:87474302891

تۋعان جەر - اركىمنىڭ شىر ەتىپ دۇنيەگە كەلىپ، توپىراعىندا اۋناپ، ءتاي-ءتاي باسقان قاسيەتتى مەكەنى. قايدا جۇرسەكتە جۇرەگىمىزدە ورنى بولەك تۋعان جەرگە دەن سۇيىسپەنشىلىك سەزىم ارقاشان قۋات بەرىپ، العا جەتەلەپ وتىرادى. مەندە وسىنداي توپىراعى قاسيەتكە تولى تورعاي ولكەسىنىڭ تۋماسىمىن. وسىنداي كەرەمەت قۇدىرەتتى ەلدە، كيەلى جەردە قازاق بولىپ تۋعانىما ماقتانامىن.
تورعايىم - شوقان، ىبىراي، احمەت، مىرجاقىپ، ءىلياس سىندى الاش ارىستارى تۋىپ-وسكەن كيەلى مەكەن. وسى جەردە تۋىپ، ءبىلىم الىپ، قانات قاققانىما قۋانامىن.
ءبىز ۇلى دالانىڭ يەسىمىز. سوناۋ ىقىلىم زامانداردا باتىرلارىمىز نايزانىڭ ۇشىمەن قورعاپ بىزگە جەتكىزگەن وسىنداي تۋعان جەرىمىزدى، ەلىمىزدى ءارى قاراي ىشكى-سىرتقى جاۋدان ساقتاپ، بولاشاققا مۇرا ەتىپ قالدىرۋ ءبىزدىڭ باستى اماناتىمىز دەپ بىلەمىن. سوندىقتان دا سول جولدا تۋعان ەلدى كوركەيتۋگە ودان ءارى دامىتۋ بارشامىزعا مىندەت. تيتتەي دە بولسا ەلگە جەرگە تيگەن كومەك، ءار ادامنىڭ ازاماتتىق پارىزى.
ەرتە زاماننان باستاۋ الاتىن مۇنداي شارالار ەل اۋزىندا اڭىز رەتىندە قالعان. پايعامبارىمىز: «ادام ولگەن سوڭ ونىڭ ءۇش امالىنان باسقاسى توقتاتىلادى. ولار ءجۇرىپ تۇراتىن ساداقاسى (جول، مەكتەپ، مەشىت، كوپىر سالۋ) پايدالى ءبىلىم جانە وزىنە دۇعا ەتەتىن ساليقالى ۇرپاق» - دەگەن ۇلاعاتتى ءحاديسىن ءاردايىم ومىرلىك ۇستانىمعا اينالدىرعان ەكەن.
تۋعان ەلگە، جەرگە كومەك كورسەتۋ ءۇردىسى قازىر دە جالعاسىن تاۋىپ ءجۇر. اسىرەسە مەكتەپ تۇلەكتەرىنىڭ 10, 20 جىلدىق سياقتى كەزدەسۋلەردە اۋىل مەكتەپتەرىنە ماتەريالدىق كومەك كورسەتۋى قۇپتارلىق ءىس. سونداي ءىس-شارالاردى اتقارۋدا تورعاي ولكەسىنىڭ تۋمالارى 90 جىلدىق مەرەيتويىندا باستاعان ءىس-شارالار كوڭىلىمىزگە قۋانىش ۇيالاتادى. وسىنداي ءىس-شارالار كەلەسى جىلى اۋدانعا قاراستى كوكالات اۋىلىندا جالعاسىن تاپتى. اۋىلدىڭ 1971 جىلعى مەكتەپ تۇلەكتەرىنەن باستاپ، 2010 جىلعى مەكتەپ تۇلەكتەرى جينالىپ، تۋعان جەر توپىراعىنا بالالارعا ارناپ ويىن الاڭىن، ساياباق سالىپ بەردى. مەشىتكە جوندەۋ جۇمىستارىنا كومەك كورسەتىپ، اۋىل كوشەلەرىن جارىقتاندىرۋ سياقتى قايىرىمدى ءىس-شارالار اتقاردى. كەزىندە اۋىلدا ەل مەن ەلدى بىرىكتىرىپ ا.نۇرمانوۆ كوپىر سالىپ بەرگەن ەدى. ال بۇل جاستاردىڭ ءىسى بابالار جالعاسى ىسپەتتى. مۇنداي شارالاردىڭ جەر جەرلەردە جالعاسىن تاۋىپ جاتقانى جۇرەكتى جىلىتادى. كورىپ وسكەن كەلەشەك جاستارىمىز دا بويىنادا ەلى مەن جەرىنە دەگەن پاتريوتتىق سەزىمى، ماحابباتى ويانىپ، سانالى ۇرپاق بولىپ وسەرى حاق.
ەلباسىمىز ن.نازارباەۆ: «پاتريوتيزم تۋعان ءۇي مەن تۋىپ وسكەن وڭىردەن باستالادى. ءبىز كىشى وتانىمىز ارقىلى بۇكىل قازاقستاندى سۇيەمىز...» دەگەن ەدى. وسىنداي تۋعان ەلى مەن جەرى ءۇشىن ونىڭ بولاشاعى ءۇشىن الاڭدايتىن ۇرپاقتارى تۇرعاندا ءبىزدىڭ ەلىمىز قازاقستانىمىز كوركەە بەرمەك، وسە بەرمەك.
تۋعان جەرىم - ساعان تاعزىم ەتەمىن. ەلى ءۇشىن، جەرى ءۇشىن قىزمەت ەتەر جاستارىمىز كوپ بولعاي. ارقاشان تىنىشتىق زامان بولىپ، بەسىگىڭدە بالاڭدى تەربەتە بەرشى تۋعان جەر...

پىكىرلەر