قىتايدىڭ ەڭ باي ادامى توقاەۆقا نەگە تاڭعالدى؟

609

Alibaba Group كومپانياسىنىڭ نەگىزىن قالاۋشى دجەك ما پرەزيدەنت تەلەراديوكەشەنىنە سۇحبات بەردى، - دەپ حابارلايدى Tengrinews.kz ءتىلشىسى. قىتايلىق ميللياردەرمەن اڭگىمە قاسىم-جومارت توقاەۆتىڭ قحر-عا مەملەكەتتىك ساپارى كەزىندە جازىلعان. دجەك ما قازاقستان پرەزيدەنتىمەن كەزدەسۋى جايلى اڭگىمەلەدى. سۇحبات "بارىس پەن ايداھاردىڭ ستراتەگياسى: ءوزارا سىيلاستىق جانە ماڭگىلىك ارىپتەستىك" دەرەكتى فيلمىنە ەندى.

"قازاقستان پرەزيدەنتى قاسىم-جومارت توقاەۆپەن تاڭعالارلىقتاي كەزدەسۋ بولدى. ول مىقتى كوشباسشى جانە ول وتە قاتتى شابىتتاندىرادى. ونىڭ ءوز ەلىنە دەگەن قۇمارلىعى ماعان قاتتى اسەر ەتتى... بۇل تاماشا كەزدەسۋ بولدى", - دەدى دجەك ما.

ميللياردەردىڭ ايتۋىنشا، ول قازاقستاندا 3-4 رەت بولعان. ء"ار بارعانىمدا بىرنەشە جاعداي تاڭعالدىردى. بۇل سۇلۋلىق، ۇلى ادامدار، سىزدەردىڭ ەلدىڭ باتىرلارى، سونداي-اق ەڭبەكسۇيگىش حالىقتارىڭىز. قازاقستانعا بارعان سايىن كوپتەگەن قىزىقتى ورىنداردا بولامىن... مەن سىزدەردىڭ ەلدەرىڭىزدى جاقسى كورەمىن، ونىڭ مادەنيەتىن جاقسى كورەمىن جانە جاڭا دوستار تابۋدى ۇناتامىن. سىزدەردە گەننادي گولوۆكين سياقتى باتىر بار! سىزدەردىڭ حالىق وتە قوناقجاي".

ەستەرىڭىزگە سالا كەتەيىك، دجەك ما ءوزىنىڭ 55 جىلدىق مەرەيتويىندا رەسمي تۇردە Alibaba ديرەكتورلار كەڭەسىنىڭ توراعاسى قىزمەتىنەن كەتكەن ەدى. وتستاۆكاعا كەتكەننەن كەيىن پرەزيدەنت تەلەراديوكەشەنىنە سۇحبات بەرگەن ول حانچجوۋ قالاسىنداعى ستاديوندا ۇلكەن مەرەكە ۇيىمداستىردى.

"ادىرنا" ۇلتتىق پورتالى

پىكىرلەر