اسقار مىرزاحمەتوۆ جامبىلدىق جاستارمەن كەزدەستى

800
ەلباسى نۇرسۇلتان نازارباەۆتىڭ جارلىعىمەن بيىل جاستار جىلى دەپ جاريالانعانى كوپشىلىككە بەگىلى. جاستار جىلى اياسىندا ەلىمىزدە ناقتى جوسپارلار قۇرىلىپ، اۋقىمدى جۇمىستار اتقارىلىپ جاتىر.

تاراز مەملەكەتتىك پەدوگوگيكالىق ۋنيۆەرسيتەتىندە «باسەكەگە قابىلەتتى جاستار – ەلىمىزدىڭ ىرگەتاسى» تاقىرىپتا جامبىل وبلىسىنىڭ اكىمى اسقار مىرزاحمەتوۆ جاستارمەن كەزدەستى. ەركىن فورماتتا وركەن شاراعا اتالمىش وقۋ ورداسىنىڭ ستۋدەنتتەرى قاتىسىپ، وزدەرىن تولعاندىرىپ جۇرگەن سۇراقتارعا جاۋاپ الدى.

ستۋدەنتتەر نەگىزىنەن ءوڭىردىڭ وركەندەۋى، ءبىلىم سالاسىنداعى وزگەرىستەر، جاستار جىلىنا قاتىستى اتقارىلار شارالاردىڭ بارىسى، ۆولونتەر جاستار، ەل بولاشاعى تۋرالى ويلارىن ورتاعا سالدى.

اسقار مىرزاحمەتوۆتىڭ ايتۋىنشا، اتا-انالار مەن اعا ۇرپاق وكىلدەرى جاستار تاربيەسىنە ايرىقشا نازار اۋدارۋ كەرەك. ويتكەنى  قوعامدا جاستاردىڭ جاقسى بولىپ قالىپتاسۋى ۇلكەندەر بەرگەن تاربيەگە بايلانىستى بولماق.

«مۇحتار اۋەزوۆ «ەل بولامىن دەسەڭ – بەسىگىڭدى تۇزە» دەپ تەكتەن تەك ايتپاعان. سوندىقتان دا ءبىز جاستاردىڭ تاريبەسىنە ەرەكشە نازار اۋدارۋىمىز كەرەك. مەنىڭ ويىمشا، بالانىڭ مەكتەپتە، كەيىن كەلە جوعارى وقۋ ورىندا قالاي وقيتىنى وتباسىندا قالىپتاساتىن سياقتى. اتا-انانىڭ ءتالىم-تاربيەسى ارقىلى بالا بىلىمگە قۇشتار بولىپ وسەتىنى بەلگىلى. ال ءوزىمنىڭ جاستىق شاعىما توقتالاتىن بولسام، كوبىنە كىتاپحانا ەسكە تۇسەدى. سودان كەيىن سپورتقا بەيىم بولىپ، ءار ءتۇرلى جارىستارعا قاتىستىم. جالپى جالىندى جاستار تاريحتى تانىپ، وتكەندى قۇرمەتتەۋگە جانە اتا-بابا ءداستۇرىن ۇلىقتاۋعا تىرسۋى كەرەك. وزدەرىڭىز جاقسى بىلەسىزدەر 2020 جىلدى مەملەكەت باسشىسى قاسىم-جومارت توقاەۆ ەرىكتىلەر جىلى دەپ جاريالاپ وتىر. سوندىقتان دا جاستار قايىرىمدىلىق شارالارى مەن تابيعات تازالىعىنا اتسالىسۋى كەرەك»، – دەدى وبلىس باسشىسى.

بەلسەندى جاستار وبلىس اكىمىنىڭ ونەگەلى وتكەن ءومىرى تۋرالى، بوس ۋاقىتىن نەگە ارنايتىندىعىن، قانداي كىتاپتاردى ءسۇيىپ وقيتىنىن سۇراپ، جۇمىس بارىسىنداعى ۇستانىمى حاقىندا اڭگىمەلەپ بەرۋىن ءوتىندى. اسقار مىرزاحمەتوۆ بارلىق سۇراقتارعا ناقتى ءارى اشىق جاۋاپ بەرىپ، ستۋدەنتتەرگە ءبىلىم جولىندا دا، ءومىر جولىندا دا ساتتىلىك تىلەدى. جۇزدەسۋ سوڭىندا اكىممەن ەستەلىك سۋرەتكە تۇسكەن جاستار ادەمى اسەرگە بولەنىپ تارقاستى.

«ادىرنا»

ۇلتتىق پورتالى

 

پىكىرلەر
رەداكتسيا تاڭداۋى