مۇعالىمدەردىڭ جالاقىسى ەكى ەسە وسەتىن بولدى

1922

قازاقستاندا مۇعالىمدەردىڭ جالاقىسىن ەكى ەسە كوبەيتۋ تۋرالى زاڭ قابىلداندى، دەپ حابارلايدى adyrna.kz ۇلتتىق پورتالى.
«زاڭ بويىنشا 173 مىڭ سىنىپ جەتەكشىلەردىڭ جانە داپتەر تەكسەرەتىن 165 مىڭ ۇستازدىڭ جالاقىسى ارتپاق.

212 مىڭنان استام قىزمەتكەرگە بىلىكتىلىك ساناتى ءۇشىن 30% -دان 50% -عا دەيىنگى شامادا، 7 مىڭ قىزمەتكەرگە ماگيستر دارەجەسى ءۇشىن، 18 مىڭ قىزمەتكەرگە تالىمگەرلىگى ءۇشىن - 1 بدو (T17 697) مولشەرىندە 10 اەك (T25 250) كولەمىندە قوسىمشا تولەمدەر تولەنەدى. قوسىمشا 14 كۇندىك دەمالىستى 100 مىڭنان استام ادام الادى»، - دەپ بۇگىن  ءماجىلىستىڭ ءباسپاسوز قىزمەتىندە حابارلاندى.

سونىمەن قاتار، اسكەري قىزمەتكە شاقىرۋدى كەيىنگە قالدىرۋ جانە اۋىلدىق جەرلەردە جۇمىس ىستەيتىن مۇعالىمدەردىڭ جالاقىسىن كوتەرۋ، دەنساۋلىق ساقتاۋ، «ۇزدىك وقىتۋشى»، «جوعارى وقۋ ورنىنىڭ ۇزدىك وقىتۋشىسى» يەگەرلەرىنىڭ ستيپەنديالارى دا ۇزدىكسىز بەرىلىپ وتىراتىن بولدى.

"ادىرنا" ۇلتتىق پورتالى

پىكىرلەر
رەداكتسيا تاڭداۋى