دانيال احمەتوۆتىڭ قارىنداسىن كىمدەر ۇرلاماق بولدى؟

2063

دەرەككوزدەردىڭ حابارلاۋىنشا، بەلگىسىز ادامدار گۇلفاز كەنجەتايقىزىن پاۆلودار قالاسىنىڭ ورتالىعىنداعى ۇيىنەن ۇرلاپ، ونى كولىككە سۇيرەپ اپارۋعا تىرىسقان. الايدا ايەل بۇزاقىلاردىڭ قولىنان قاشىپ شىققان. ىشكى ىستەر دەپارتامەنتىنىڭ ءباسپاسوز قىزمەتى اۋبانوۆانى ۇرلاۋ ارەكەتى تۋرالى اقپاراتتى راستادى: «2019 جىلدىڭ 18 قىركۇيەگىندە 1958 جىلى تۋعان جابىرلەنۋشى ا. پوليتسياعا حابارلاسىپ، ساعات 07:40 شاماسىندا بەلگىسىز بىرەۋلەر پاۆلودارداعى ەسەناليەۆ كوشەسىندەگى № 16 ءۇيدىڭ ماڭىندا وعان شابۋىلداعان. وعان قارسى زورلىق-زومبىلىق جاساعان. اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 125-بابى (ۇرلاۋ) بويىنشا سوتقا دەيىنگى تەرگەۋ جۇرگىزىلۋدە" دەپ مالىمدەدى پاۆلودار وبلىستىق پوليتسيا باسقارماسى.

دانيال احمەتوۆ قارىنداسىنىڭ جاعدايىن ەستي سالا، ۇشىپ كەلىپ، ءبارى جاقسى ەكەنىنە كوز جەتكىزگەننەن كەيىن، وسكەمەنگە قايتىپ كەتىپتى.
گۇلفاز اۋبانوۆا پاۆلودار وبلىسىنىڭ دەنساۋلىق ساقتاۋ باسقارماسىنىڭ باستىعى جانە مەديتسينالىق جانە فارماتسەۆتيكالىق قىزمەتتى باقىلاۋ كوميتەتىنىڭ باستىعى قىزمەتتەرىن اتقاردى. ول Danel مەديتسينالىق مەكەمەسىنىڭ نەگىزىن قالاۋشى بولىپ تابىلادى، ونىڭ قۇرامىنا 2018 جىلى مەملەكەتتەن ساتىپ الىنعان ايماقتىق دياگنوستيكالىق ورتالىق، جاقىندا اشىلعان جەكە كلينيكا جانە پاۆلودار قالاسىندا 24 جىل بويى جۇمىس ىستەيتىن جەكە پەرزەنتحانا كىرەدى.
ەستەرىڭىزگە سالا كەتەيىك، احمەتوۆتەر وتباسى وتكەن عاسىردىڭ 90-جىلدارىنان باستاپ ىسكەر توپتار مەن بيزنەستە دە، كۇشتىك قۇرىلىمدارىندا دا ۇلكەن ابىرويعا يە بولعان تانىمال اۋلەت. شىعىس قازاقستان وبلىسى اكىمىنىڭ قارىنداسىنا جاسالعان شابۋىل پاۆلوداردى ءدۇر سىلكىنتتى. وسى شابۋىلعا بايلانىستى ءتۇرلى بولجامدار جاسالۋدا. احمەتوۆتەر وتباسىنا اناۋ-مىناۋ ادامنىڭ باتىلى بارىپ شابۋىل جاساماسى دا بەلگىلى. پوليتسيا قىلمىسكەرلەردى ىزدەستىرۋدە.

 

"ادىرنا" ۇلتتىق پورتالى

پىكىرلەر