ۇلتتىق بانك قارىزى بارلارعا كومەكتەسەتىن بولدى

3271
2019 جىلعى 10 قىركۇيەكتە بانكتەر 72,9 ملرد تەڭگە سوماعا 8 313 ءوتىنىمدى ماقۇلدادى، 58,8 ملرد تەڭگە سوماعا 6 906 قارىز قايتا قارجىلاندىرىلدى.

قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ تاپسىرمالارىنا جانە باستامالارىنا سايكەس قازاقستان ۇلتتىق بانكى يپوتەكالىق قارىزداردى قايتا قارجىلاندىرۋ باعدارلاماسىن ىسكە اسىرۋدا، دەپ حابارلايدى ەلوردا ينفو.

باعدارلاما ەكى بلوكتان تۇرادى.

1) بىرىنشى بلوك 2004-2009 جىلدار ارالىعىنداعى كەزەڭدە قارىز العان يپوتەكالىق قارىز الۋشىلارعا قولداۋ كورسەتۋگە باعىتتالعان. قازاقستان ۇلتتىق بانكى كورسەتىلگەن قارىزداردى قايتا قارجىلاندىرۋعا 130 ملرد تەڭگە ءبولدى.

2019 جىلعى 10 قىركۇيەكتەگى جاعداي بويىنشا باعدارلاما اياسىندا رەۆولۆەرلىك تەتىكتى ەسكەرە وتىرىپ، 168,2 ملرد تەڭگە سوماعا 27 229 قارىز ماقۇلداندى، 152,8 ملرد تەڭگە سوماعا 25 832 قارىز قايتا قارجىلاندىرىلدى.

2) باعدارلامانىڭ ەكىنشى بلوگى جەكە تۇلعالاردىڭ 2016 جىلعى 1 قاڭتارعا دەيىن العان ۆاليۋتالىق يپوتەكالىق قارىزدارىن قازاقستان ۇلتتىق بانكىنىڭ 2015 جىلعى 18 تامىزداعى باعامى بويىنشا تەڭگەمەن قايتا قارجىلاندىرۋدى كوزدەيدى.

2019 جىلعى 10 قىركۇيەكتە بانكتەر 72,9 ملرد تەڭگە سوماعا 8 313 ءوتىنىمدى ماقۇلدادى، 58,8 ملرد تەڭگە سوماعا 6 906 قارىز قايتا قارجىلاندىرىلدى.

قارىزدىڭ باعدارلاما تالاپتارىنا سايكەستىگىن ايقىنداۋ ءۇشىن قارىز الۋشىلارعا كرەديتور بانككە ءوتىنىش جاساۋ قاجەت. وڭىرلەرگە جانە بانكتەرگە قاتىستى يپوتەكالىق قارىزداردى قايتا قارجىلاندىرۋ تۋرالى تولىعىراق اقپاراتپەن، سونداي-اق، وڭىرلەرگە جانە بانكتەرگە قاتىستى اقپاراتپەن «بانكتەردىڭ اقشانى يگەرۋى تۋرالى اقپارات» ءبولىمى ارقىلى تانىسۋعا بولادى.

وسى سىلتەمە بويىنشا قازاقستان ۇلتتىق بانكىنىڭ، ەكىنشى دەڭگەيدەگى بانكتەردىڭ ايماقتىق فيليالدارى حالىقپەن باعدارلامانىڭ تالاپتارىن ءتۇسىندىرۋ بويىنشا ءوزارا ءىس-قيمىلدى جۇزەگە اسىراتىن قىزمەتكەرلەرىنىڭ بايلانىس دەرەكتەرى ورنالاستىرىلدى. سۇراقتار تۋىنداعان كەزدە قارىز الۋشىلارعا قازاقستان ۇلتتىق بانكىنىڭ جانە بانكتەردىڭ ءتيىستى فيليالدارىنا، نە ولاردىڭ اۋماقتىق قاتىستىلىعىنا بايلانىستى ءوتىنىش جاساۋ قاجەت.

باعدارلامانىڭ تالاپتارىمەن ۇلتتىق بانك سايتىنىڭ «قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ» بولىمىندە تانىسۋعا بولادى.

"ادىرنا" ۇلتتىق پورتالى

پىكىرلەر