توقاەۆ بيلىگىنە بۇگىن 100 كۇن. 100 كۇندە نە وزگەردى؟

253

بۇگىن 30 جىل قازاق مەملەكەتىن باسقارعان نۇرسۇلتان نازارباەۆتىڭ پرەزيدەنتتىك قىزمەتتەن كەتكەنىنە ءدال 6 اي بولدى.
سول ساتتەن باستاپ ەل ازاماتى رەتىندە توقاەۆتىڭ پرەزيدەنت بولعانىن قولداپ-قۋاتتادىم. ءاۋ باسىندا تۇسىنبەگەن جاندار ۋاقىت وتە كەلە ۇعىندى دەپ ويلايمىن. توقاەۆتىڭ قىزمەتىنە باعا بەرەر ۋاقىت ءالى جەتپەدى، الايدا ءبىزدىڭ كۇتكەنىمىزدى دە ورىنداماي جاتقان جوق. ۋاقىتشاسى ءبىر بولەك، قاسىم-جومارت كەمەلۇلىنىڭ سايلانىپ مەملەكەت باسشىسى بولعانىنا بۇگىن 100 كۇن تولدى.
99 كۇندە ءبىراز شارۋا اتقارىلدى. پرەزيدەنت ارىستا ەلدىڭ جانىندا بولدى. ءبىر رەتتىك بەلگىلەنگەن مولشەرمەن كرەديت كەشىرىلدى. مەملەكەت باسشىسى رەتىندە العاشقى جولداۋىن جاسادى. ۇلتتىق كەڭەستى قۇرىپ، ساياسي-ەكونوميكالىق رەفورماعا باستاما بولدى. تاعىسىن تاعى. شامالعان ستانتسياسىنداعى وقيعاعا سول ساتىندە كوڭىل ايتقانىنداي، ەلدەگى ءار جاعدايعا بەي-جاي ەمەس.
توقاەۆ 24 قىركۇيەكتەگى بۇۇ باس اسسامبلەياسى جينالىسىنا اقش-قا ساپارى الدىندا كەشە بىرنەشە كۇتپەگەن تاعايىنداۋ جاسادى. مۇنى جۇرت “نازارباەۆتىڭ ىقپالىمەن” بايلانىستىرادى. مەنىڭشە، مۇنداي پىكىر كوبىرەك ينتريگاعاعا اۋەس جانداردىڭ جانە “نازارباەۆتىڭ شەكسىز بيلىگى” جامباسىنا وڭ كەلەتىندەردىڭ” ويى(نى). ەلباسى بيلىككە سىرتتاي ارالاسىپ وتىر دەۋگە كەلمەيدى. ول سايلاۋ كەزەڭىندە ءبىر ەمەس ەكى رەت ء“بارىمىز حالىق سايلاعان پرەزيدەنتكە قولداۋ كورسەتىپ، جۇمىس ىستەيمىز” دەگەن بولاتىن. 16 مامىردا جانە 23 مامىردا اراعا اپتا سالىپ ايتتى بۇنداي ءسوزدى. نازارباەۆ ماحاتحير موحاماد سياقتى بيلىككە قايتا كەلەم دەپ وتىرعان جوق. ەكىنشى پرەزيدەنت تە تەرىس پوليتيكا جۇرگىزبەدى. دەمەك، ينتريگاعاعا ورىن جوق. بۇدان دا جاقسى وزگەرىستەر مەن ىلگەرىلەۋ كۇتەيىك.

نۇرعالي نۇرتاي

"ادىرنا" ۇلتتىق پورتالى

پىكىرلەر