بازار جاستارىمەن تارتىستى ويىن

95

قىركۇيەكتىڭ ءۇشىنشى جەكسەنبىسى- الىپ شاھار، اڭىز شاھار الماتىنىڭ تۋعان كۇنى! قالا كۇنىنە وراي ءتۇرلى شارالار مەن مەرەكەلىك كونتسەرتتەر وتكىزىلىپ، تۇرعىندار مەن قوناقتاردىڭ نازارىنا ۇسىنىلدى. جايناعان جاسىل قالانىڭ ناۋرىزباي اۋدانىندا «ادىرنا» ۇەب قق اكىمدىكپەن بىرلەسە وتىرىپ، فۋتبول ءتۋرنيرىن وتكىزدى. قاتارداعى قالىڭ سايىستان ءبىر ايىرماشىلىعى: قاتىسۋشىلاردىڭ بازار جاستارى، ەڭبەك ادامدارى بولۋى.

«جۇلدىز»، «سالامات»، «يۋپيتەر» جانە «بارىس- 4» كوماندالارى قالقامان-2 شاعىن فۋتبول الاڭىندا تارتىستى ويىن وتكىزگەنىمەن، وزگە ەكى فۋتبول قۇراماسى كەزەكتى ماتچقا قاتىسا المادى. ءتورت كوماندالىق توپتىڭ اراسىندا وتكىزىلگەن اياقدوپ ءتۋرنيرى سالاۋاتتى ءومىر سالتىن كەڭىنەن ناسيحاتتاي الدى. قازىلار القاسىنىڭ شەشىمىمەن الاڭدا ادەمى ويىن كورسەتكەن «يۋپيتەر» كومانداسى 9 ۇپايمەن جەڭىسكە جەتتى. كەزەكتى ورىنداردى 6 ۇپاي جيناپ، تەڭ تۇسكەن «سالامات» جانە «بارىس-4» قۇراما كوماندالارى يەلەندى. ۇيىمداستىرۋشىلىق دەڭگەيدىڭ جوعارىلىعى- قاتىسۋشىلاردىڭ كوڭىل-كۇيىنەن بايقالدى.

جەڭىمپازدار مەن ماتچ ويىنشىلارىنا بايگە ىدىسى، باعالى زاتتار مەن ماداقتامالار تابىس ەتىلدى. ويىندا ەپتىلىگىمەن كوزگە تۇسكەن ازاماتتار ارنايى نوميناتسيالارعا يە بولدى. ءسوز سوڭىندا ايتا كەتەيىك، «ادىرنا» ۇلتتىق-ەتنوگرافيالىق بىرلەستىگى بازار جاستارىنىڭ قاتىسۋىمەن بىرقاتار فۋتبول ويىندارىن وتكىزىپ كەلەدى.

"ادىرنا" ۇلتتىق پورتالى

پىكىرلەر