الەمدە ءبىز سەكىلدى قىتايدان قورقىپ، رەسەيگە تىعىلاتىن ەل جوق

816

-قازاقتى قىتايمەن قورقىتا بەرەتىندەردىڭ ەكىنشى اتى -
"قازاقتى ورىسقا يتەرمەلەۋشىلەر" ەكەنىن ەستەن شىعارماۋ كەرەك.

الەمدە قازاقستاننان الدەقايدا كىشى، بىراق قىتايمەن شەكارالاس، ءتىپتى سول قىتايمەن قىرعيقاباق - تايۆان، موڭعوليا، نەپال، اۋعانستان دەگەن ەلدەر بار ەكەنىن ۇمىتپاۋ كەرەك.
بىراق بۇل ەلدەردىڭ قىتايدان قورقىپ رەسەيگە تىعىلا بەرگەنىن كورمەپپىن.
ال بىزدە ءتىپتى كۇللى قازاق ءبىر - ءبىرىنىڭ اۋىزدارىنا تۇكىرىپ قويعانداي ايتاتىن، "قارا قىتاي قاپتاسا ورىس اكەڭدەي كورىنەر" دەگەن ءسوز بار. بۇل ءسوزدى كىم شىعارعان ءوزى؟
قۇرمەتتى قازاقتار، ەگەر مەملەكەتتىلىكتەرىڭىزگە سونشا سەنىمسىز بولساڭىزدار، مىنا مەملەكەتسىماقتى جاۋىپ، بالكىم ارتتارىڭىزعا جالتاقتاماي سول "ۇلكەن اعالارىڭىزعا" قايتا ورالارسىزدار، ءا؟ ويلانىڭىزدار.
يا بولماسا دۇرىس گەوساياسات قۇرىپ ۇيرەنەلىك.
قىتاي كوپ بولسا قايتەيىك، قازىر 21 عاسىر، قاپتاعان اسكەردى ءبىر كىشكەنتاي تۇيمەشىكتى باسىپ قانا جاھاننامعا اتتاندىرۋعا بولادى. ەندى بۇل ميلليارد نوپىرمەن قىلىشتاسىپ - نايزالاسىپ وتىرادى دەيسىزدەر مە؟ جاڭا زاماننىڭ جانجالى دا جاڭاشا بولادى ەمەس پە....
سوندىقتان اقىلىمىز  جەتسە سونداي زاماناۋي جاعدايعا جەتۋگە تىرىسىپ، ماڭىمىزداعى كورشىلەردى قىڭبايتىن دارەجەگە كوشۋ كەرەك.
قىسقاسى، ءبىز مىناداي گەوگرافيادا تەك قانا اقىلدى، وزىق، زاماناۋي مىقتى بولۋ ءۇشىن جارالعانبىز. ول قولىمىزدان كەلەدى. بىزدە باسقا جول دا جوق.

 

ولجاس ءابىل

"ادىرنا" ۇلتتىق پورتالى

پىكىرلەر