باس پروكۋراتۋرا: اقجارقىن تۇرلىبايدىڭ ءىسى بويىنشا شاعىم ءتۇسىرىلدى

1146

ەگەر اقجارقىن تۇرلىبايعا قاتىستى ايىپتاۋ ۇكىمى شىقسا، قازاقستان قىزدى جازاسىن ءوز وتانىندا وتەۋ ءۇشىن ەلگە قايتارۋ تۋرالى ساۋال جولدايدى. بۇل تۋرالى بۇگىن باس پروكۋروردىڭ ورىنباسارى مارات احمەتجانوۆ ايتتى، دەپ حابارلايدى adyrna.kz ۇلتتىق پورتالى Sputnik قازاقستانداعى مالىمەتتەردى نەگىزگە الا وتىرىپ.

احمەتجانوۆ اقجارقىن تۇرلىبايدىڭ ءىسى بويىنشا ۇكىمگە شاعىم تۇسىرىلگەنىن اتاپ ءوتتى.

"قازاقستان مەن قىتاي اراسىندا سوتتالعانداردى قايتارۋ تۋرالى ەكىجاقتى كەلىسىم بار. ءبىز قىتايدىڭ سوت تورەلىگىنىڭ سوڭعى شەشىمىن كۇتەمىز. ەگەر ونى اقتاسا، بۇل وتە جاقسى بولادى. ەگەر سوتتاپ جىبەرسە، اقجارقىن دا، ءبىز دە جازاسىن ودان ءارى ءوز وتانىندا وتەۋ تۋرالى ساۋال جولداۋعا قۇقىلىمىز", - دەدى ول ءماجىلىس كۋلۋارىندا.

قازاقستان پرەزيدەنتى قاسىم-جومارت توقاەۆ قىتايعا ساپارىندا اقجارقىن تۇرلىبايدىڭ ماسەلەسىن كوتەرگەن بولاتىن. پرەزيدەنت بەيجىڭدەگى كەزدەسۋلەردە قىتاي تاراپىنا ءوزىنىڭ جەكە ءوتىنىشىن جەتكىزدى.

ەستەرىڭىزگە سالا كەتەيىك، قازاقستان ازاماتى اقجارقىن تۇرلىباي 2014 جىلى ناۋرىزدا گۋانچجوۋ اۋەجايىندا شەكارادان 4,5 كەلى ەسىرتكىنى الىپ وتپەك بولدى دەگەن ايىپ تاعىلىپ، ۇستالعان بولاتىن.

 

"ادىرنا" ۇلتتىق پورتالى

پىكىرلەر
رەداكتسيا تاڭداۋى