و، جالاعاش...

117

“تۋعان جەر” شىعارماشىلىق بايقاۋىنا قاتىسۋشىلاردىڭ تۋىندىلارىن پاراقشامىزعا جاريالاۋدى باستادىق. كەلەسى كەلىپ تۇسكەن تۋىندى «ۇزدىك ماقالا» اتالىمى بويىنشا سەرىك جاسۇلان كەنجەبەكۇلى.

 

بايلانىس تەلەفونى: +7-702-729-33-81

و، جالاعاش،
قاسيەتتىم، قادىرلىم،
بولشەگى ەدىڭ بولىنبەيتىن جانىمنىڭ.
مىنا سەنىڭ قۇرساعىڭنان تۋعانىم،
ماعان بەرگەن باقىتى عوي ءتاڭىردىڭ.

ۇلاندارىڭ بابا ءىسىن جاڭعىرتقان،
سول سەبەپتى ورنىڭ ەرەك بار جۇرتتان.
مەن سىنبايمىن، توپىراقتان سەندەگى،
قۋات پەنەن ءنار العانمىن، سوندىقتان.

سەنى سومداۋ مۇمكىن ەمەس سوزبەنەن،
سەندىك الەم باسقالاردان وزگە الەم.
مالىك پەنەن تەمىرشەدەي اقىننىڭ،
ورنى بولەك قاشاننان دا وزگەدەن.

سەنسىز الەم، سەنسىز دۇنيە تار ماعان،
ءبىر اقىنىڭ بولايىن جىر ارناعان.
سارمان باتىر، بۇحاربايلار كۇن كەشكەن،
تۋعان ەلىن جاۋلارىنان قورعاعان.

اللاسىنا ادال بولىپ ماڭگىلىك،
اۋليەلىگى جارتى الەمدى تاڭ قىلىپ.
بەركىمبايدىڭ اق باتاسىن العان ەل،
ءدال وسىلاي گۇلدەنۋىڭ – زاڭدىلىق.

ءدان ءوسىرۋ ەجەلدەن-اق اردا ونەر،
ديحاندارى ماڭداي تەرمەن بولعان ەر.
ءار جىل سايىن قامبالارىڭ لىق تولىپ،
كۇرىشىڭىڭ ىرىسىن كور، تۋعان ەل.

باقشالارىڭ قۇستار سايراپ، ءان سالعان،
ءۇر كوركىڭدى كۇللى الەمگە جار سالعان.
ساعان كەلگەن، سەنى كورگەن بار حالىق،
سىمباتىڭا قايران قالىپ تامسانعان.

سەندە وتكەن ءار تاۋلىگىم شىرايلى،
سول تاۋلىكتەر عۇمىرىمدى قۇرايدى.
بىلەسىڭ بە، كوگىڭدەگى بۇلتتار دا،
اباتىڭدى قىزعانعاننان جىلايدى.

جۇرەگىمدى سەندىك سەزىم تونايدى،
سول سەزىمنەن بويعا ساۋلە تارايدى.
التىن كۇندە ساعان توگىپ بار نۇرىن،
وزىڭە ۇزاق تامسانعاننان قارايدى.

ونەرىمەن ورگە جۇزگەن ورەنى،
ءور ۇرپاعى قاستەرلەگەن كونەنى.
اتا-بابام ءىزى قالعان ماڭگىلىك،
توپىراعىڭا اۋناي بەرگىم كەلەدى.

تەرمەسىنە كۇللى الەم تاڭقالعان،
شايىرىنان ناقىل مەنەن ءان قالعان.
و، جالاعاش!
كىندىك كەسكەن مەكەنىم،
سەندە تۋعان مەندە، ايتشى، بار ما ارمان!!!

جاسۇلان سەرىك
قىزىلوردا وبلىسى
جالاعاش اۋدانى

پىكىرلەر