بۇلاق

199

“تۋعان جەر” شىعارماشىلىق بايقاۋىنا قاتىسۋشىلاردىڭ تۋىندىلارىن پاراقشامىزعا جاريالاۋدى باستادىق. كەلەسى كەلىپ تۇسكەن تۋىندى «ۇزدىك ماقالا» اتالىمى بويىنشا جانiبەك قويتاي.

بايلانىس تەلەفونى: 381 – 70 – 74,

ۇيالى تەلەفون: 8 747 710 17 01

ەسسە

رەسپۋبليكامىزدىڭ كiشكەنتاي بiر نۇكتەسiنە بiزدiڭ اۋىل ورنالاسقان. اتى - كوكدونەن. شاعىن بولعان سوڭ كارتاعا تۇسپەگەن. بiراق ول تيتتەي بولعانىمەن مەن ءۇشiن ەڭ ۇلكەن، قاسيەتتi جەر. بiزدiڭ اۋىلدا اۋىز سۋ تاپشى. تاپشى بولعاندا مۇلدە سۋ جوق ەمەس، بار. ءار ءۇيدiڭ الدىندا قۇدىق بار. بiراق سۋىنىڭ ءدامi كەرمەك تاتيدى. ونى بiز تەك مال مەن باقشانى سۋعارۋعا عانا پايدالانامىز. ال اۋىز سۋدى ءۇش-ءتورت شاقىرىم جەردەگi تاۋ ەتەگiندەگi بۇلاقتان الامىز. وسى بۇلاقتىڭ سۋىن ۇلكەن اعالار سۋ قۇبىرلارى ارقىلى كوشەلەرگە تارتىپ بەرسە نەسi كەتەدi ەكەن؟! بۇل iسكە اقشا جوق، بۇعان قول ۇشىن بەرەتiن بيزنەسمەن اۋىلداسىمىز دا جوق دەپ وتىرعان ۇلكەندەردiڭ اڭگiمەسiن تالاي ەستiگەنمiن. وسى اڭگiمەنi ەستiگەننەن كەيiن مەن سوناۋ مىسىر ەلiنiڭ پرەزيدەنتiنە بiزدiڭ اۋىلعا سۋ قۇبىرىن تارتىپ، بiر cپورت الاڭىن سالىپ بەرۋگە كومەكتەسiڭiز دەپ حات جازعىم كەلدi. نەگە، ءوزiمiزدiڭ دەپۋتات اعالارعا ەمەس، سوناۋ قيىر شەتتەگi پرەزيدەنتكە حات جازعىم كەلدi دەيسiز بە؟ ويتكەنi ول كiسi كەزiندە بiزدiڭ اۋىلدىڭ شەتiندەگi اسكەري ۋچيليششەسiندە وقىپ، ۇشقىش دەگەن ماماندىق العان ەكەن. قانشا دەگەنمەن ۇلكەن، ابىرويلى كiسi, بiلiم العان جەرiن ۇمىتپايدى عوي. ونى بiزدiڭ ەلدiڭ دەلەگاتسيالارى بارعاندا: «سول جەردi تاعى بiر كورسەم»، - دەپ  ايتقانىن باسىلىمداردىڭ بىرىنەن وقىپ ەدىم. بiراق مەن ءالi حات جازعان جوقپىن. نامىسىم جiبەرمەدi. مۇمكiن وسى شىعارمامدى وقىعان ۇلكەن كوكەلەرiمنiڭ بiرi كومەكتەسiپ، بiزدiڭ اۋىلعا بiر سپورت الاڭى مەن كوشەلەرiمiزگە سۋ قۇبىرىن جۇرگiزiپ بەرەر.

مىنە وسى جاعدايدان كەيىن ەسەك ارباعا نەمەسە قول ارباعا فلاكتەرiمiزدi ارتىپ، بۇلاققا كەلەمiز. اۋىلدىڭ بiزبەن جاستى بار بالاسىنىڭ بiر مەزگiل جيىلىپ، اڭگiمە دۇكەن قۇرار تۇسى وسى جەر. وسى جەردە، تiپتi, كۇش سىناسىپ، كۇرەسەمiز، جارىسامىز. كەي كەزدەرi الiمجەتiك جاساعانداردىڭ كەسiرiنەن كوز جاسىمىزدى بiر سىعىپ الاتىن كەزدەرiمiز دە بولادى.

بۇلاق باسى از ۋاقىتتىڭ iشiندە ەسەك، فلاگ، شەلەك كورمەسiنە اينالىپ كەتەدi. اۋىلدىڭ ۇلكەندەرiنiڭ بiرi بۇلاقتان سۋ الۋ وڭاي بولۋ ءۇشiن وعان تۇربا ورناتىپ قويعان. ءموپ-ءمولدiر سۋ كۇندiز-ءتۇنi توقتاماي اعىپ تۇرادى. كەلiپ، شەلەگiڭدi توسىپ، قۇيىپ الا بەر. كەي كەزدەرi ىبىراي اتامىزدىڭ «بولساڭ وسى بۇلاقتاي بول!» دەگەنi بiزدiڭ وسى بۇلاقتى كورiپ ايتقانداي كورiنiپ كەتەدi. مۇندا شەلەگiڭ تاپ-تازا بولۋى كەرەك. ايتپەسە ءدۇيiم جۇرتتىڭ الدىندا ۇياتقا قالاسىڭ. وسىندا تۇرعان بارلىق كوز سەنiڭ شەلەگiڭە قادالادى. ماي تۇتقان تۇتقاسىن كورسە جاندوس سەكiلدiلەر:

- ەي، بەدرەڭ نەگە جۋىلماعان، تۇر بىلاي، انا قۇمعا بارىپ ىسىپ، جۋىپ كەل! - دەپ كەزەكتەن ىسىرىپ جiبەرەدi. كەزەكتi قويشى، وندايدا قىزداردان قاتتى ۇيالىپ، بۇگجەڭدەپ بارىپ وزەن جاعاسىنداعى قۇممەن ىسقىلاپ-ىسقىلاپ قايتا كەلەسiڭ. سودان كەيiن سۋ دا جىلت-جىلت ەتiپ، شەلەگiڭ دە جىلت-جىلت ەتiپ بۇلاقتان سۋ الاسىڭ. شەلەگiڭدi تۇربا اۋزىنا قويىپ تۇرىپ ونىڭ تەسiلگەن جەرiن اپاڭنىڭ ماقتامەن تىعىنداپ بەرگەنi ەسiڭە تۇسەدi. وندايدا ىدىسىڭنىڭ ءتۇبiن قولىڭمەن بايقاتپاي بiر سيپاپ وتەسiڭ. جاندوس سەكiلدiلەر كورمەسە ەكەن دەپ ويلايسىڭ. ول كورسە ماقتانى سۋىرىپ، ءدۇيiم جۇرتتىىڭ الدىندا تاعى دا ۇياتقا قالدىرادى. ءوزiنiڭ ەسەگi دە، ارباسى دا - زىڭ. سودان كەيiن عوي، وزگەنiڭ جىرتىق، جاماۋىنا شەكەسiنەن قارايتىنى. بiراق ونىسىن:

- اۋىلدا ءبارi ادەمi بولۋى كەرەك، باسقا ەلدەرمەن قاتار تۇرا قالعانىمىزدا ەسەگiمiز دە، شەلەگiمiز دە، فلاگiمiز دە تاپ-تازا بولعانى دۇرىس، - دەپ اقىل ايتادى. ونى بiرەۋ قاتارعا تۇرعىزىپ ورىن بەرiپ جاتقانداي. مەن داۋ ايتا المايمىن. ويتكەنi ەسەگiم كارi, ارباعا جەككەندە ءمۇلايiمسiپ، سۇمiرەيەدi دە قالادى. قاراپ تۇرىپ جانىڭ اشيدى. سونىسىنا قاراماي وزگە ەسەكتەردi كورگەندە كوزi جايناپ، اقىرىپ-شاقىرىپ، بۇلاق باسىن ازان-قازان قىلادى. شەلەگiمنiڭ دە قابىرعالارى ويقى-شويقى قابىسىپ قالعان. مالعا قۇدىقتان سۋ الىپ بەرەمiن دەپ جۇرگەنiمدە سوعىلىپ، قيقى-جيقىسى شىققان. فلاگiم دە تەسiك. «زاتقا وبال بولادى» دەپ اپام تاستاتقىزبايدى. Iشتەي قىنجىلعانىممەن، جاندوسقا كەي-كەيدە مەن دە بوي بەرمەي كەتەمiن. ەكەۋمiز «مەنiڭ اتىم قوجاداعى» قوجا مەن جانتاس سەكiلدiمiز. كوشتiڭ باسىنا شىعايىن دەپ تۇرعان اۋىلىمىزدى كەرi تارتىپ تۇرعان مەن سەكiلدiمiن. مەنiڭ ەسەگiم دە ۇنامايدى وعان.

اربامىزدى سىقىرلاتىپ اۋىل iشiنە كiرگەندە داۋلاسقانىمىزدى ۇمىتىپ كەتەمiز. بiزدiڭ اۋىلدى كەسiپ وتەتiن ۇزىن جولمەن نەشە ءتۇرلi اۆتوبۋستار زۋ-زۋ ەتiپ ءوتiپ جاتادى. سول اۆتوبۋستاردىڭ تەرەزەسiنەن نەبiر ادەمi قىزدار بiزگە تiلiن شىعارىپ، مازاقتاپ وتەدi. بiز ەسەگiمiزدi قاقپالاي ءجۇرiپ سايقىمازاقتانىپ، ولارعا جاۋاپ بەرiپ جاتامىز. ءوز سوزiمiزگە ءوزiمiز ءماز بولامىز. ايتپەسە تۇسىمىزدان زۋ ەتە تۇسكەن اۆتوبۋستاعى قىزدار بiزدiڭ ءسوزiمiزدi ەستۋشi مە ەدi.

ماعان ساباققا بارماي ءوستiپ سۋ تاسىپ جۇرگەن سونداي ۇنايدى. جىلت-جىلت ەتكەن بۇلاقتىڭ باسىندا جىلت-جىلت ەتكەن شەلەكتەرگە سۋ قۇيىلىپ جاتقاندا قاراپ تۇرشى. اينالاعا ادەمi بiر ساۋلە شاشىلادى. سول ساۋلە سەنiڭ iشiڭە كiرiپ، جىلجىپ جۇرەك تۇسىڭا كەلگەندە ءوز-وزiڭنەن قۋانىپ، قۋاتتاناسىڭ. مۇنداي كەزدە جەك كورەتiن جاندوستىڭ ءوزiن قۇشاقتاپ، ماڭدايىنان سيپاعىڭ كەلەدi. ونداي ساۋلە بiزدiڭ بۇلاقتان، بiزدiڭ اۋىلدان بۇكiل الەمگە، كەڭ بايتاق ەلiمiزگە تاراپ جاتقان سەكiلدi كورiنەدi دە تۇرادى. سوندىقتاندا اۋىلىم قانشاما كiشكەنە بولىپ كارتاعا تۇسپەگەنiمەن، ءوز ەلiمنiڭ كiندiگi وسى اۋىل سىقىلدى بولىپ كورiنەدi دە تۇرادى.

 

 

 

 

 

پىكىرلەر