قاسيەتتى تۋعان جەر!

144

“تۋعان جەر” شىعارماشىلىق بايقاۋىنا قاتىسۋشىلاردىڭ تۋىندىلارىن پاراقشامىزعا جاريالاۋدى باستادىق. كەلەسى كەلىپ تۇسكەن تۋىندى «ۇزدىك ماقالا» اتالىمى بويىنشا ماماداليەۆا قازنا سۋحراپقىزى.

 

ەلەكتروندى پوچتا: mamadalieva.1993@inbox.ru

بايلانىس تەلەفونى:  8747-141-45-01

تۋعان جەر! بۇل سوزدە تەرەڭ ماعىنا جاتىر. دانىشپان حالقىمىز:

«تۋعان جەر- تۇعىرىڭ

تۋعان ءتىل- قىدىرىڭ»، - -دەپ تەگىننەن – تەگىن ايتپاعان. اتا- بابالارىمىز كىندىك قانى تامعان قاسيەتتى جەرى ءۇشىن قانشاما قاندى شايقاستاردى باسىنان كەشىرگەنى، تامىرى تەرەڭدە جاتقان تاريحىمىز ارقىلى بەلگىلى. مەنىڭ ۇعىمىمشا، تۋعان جەر، تۋعان اۋىلدان، وتباسىنان، وشاق قاسىنان باستالادى.

تۋعان جەر—قاسيتەتتى دە، قاستەرلى ۇعىم. ونىڭ قادىرىن ءار ادام وزىنشە تۇسىنەتىن بولار. مەن ءۇشىن ول- دۇنيەدەگى ەڭ ۇلى نارسە. ويتكەنى، وندا مەنىڭ ايالاعان انام، الپەشتەپ وسىرگەن اكەم، تۋعان – تۋىستارىم، دوس- جاراندارىم دۇنيەگە كەلدى. مەنىڭ تۋعان جەرىم- كەڭ بايتاق قازاقستان، ونىڭ ىشىندە اق مامىق ماقتاعا ورانعان- ماقتاارال.

«ءوز ەلىن سۇيمەگەن ادام ەشنارسەنى دە سۇيە المايدى».- دەيدى اعىلشىننىڭ اتاقتى اقىنى بايرون. تۋعان جەردىڭ تىنىشتىعى ءۇشىن باتىرلار قاسىق قانىن توگىپ، اقيىق اقىندار جاقۇت جىرلارىن ارناعان. سارى التىنداي سارىارقادا تۋىپ وسكەن ارقالى اقىن قاسىم امانجولوۆ «تۋعان جەر» دەگەن ولەڭىندە بىلايشا تەبىرەنەدى:

شىقشى تاۋعا ، قاراشى كەڭ دالاعا،

ءماز بولاسىڭ، ۇقسايسىڭ جاس بالاعا.

ول شەتى مەن بۇل شەتىنە جۇگىرسەڭ.

شارشايسىڭ با، قۇمارىڭ ءبىر قانا ما؟

نەتكەن بايتاق، نەتكەن ۇلى جەر ەدىڭ،

نەندەي كۇيگە جۇرەگىمدى بولەدىڭ؟

سەندە تۋدىم، سەندە ءوستىم، سەندە ولسەم،

ارمانىم جوق بۇل دۇنيەدە دەر ەدىم.

ءار ادام ءوزىن ماپەلەپ وسىرگەن اتا- اناسىنا قانشالىقتى قارىزدار بولسا، تۋعان جەرىن دە سونشالىقتى قارىزدار. دانا حالقىمىز

«اركىمنىڭ تۋعان جەرى- مىسىر شاھارى» دەپ بەكەر ايتپاعان. ايگىلى بەيبارىس سۇلتان تۋعان جەرىن ساعىنىشپەن ەسكە الىپ، تۋعان ەلىنەن ارنايى الدىرعان جۋساندى يىسكەپ، ماۋقىن باسادى ەكەن.

اق التىنعا ورانعان ماقتالى ولكە ماقتاارالدا نەشە ءبىر ساڭلاق انشىلەر ، كۇيشىلەر اقىن- سازگەرلەر شىقققان. اتاپ ايتار بولسام ءبورى يسا، گاۋحار الىمبەكوۆا، مۇحتار قۇرالوۆ سىندى دارا تۇلعالار ماقتاارال جەرىنىڭ كوركەيۋىنە ءوز ۇلەستەرىن قوسىپ كەلەدى. سولاردىڭ بىرەۋىنە توقتالا كەتسەم ماقتاارال اۋدانىنىڭ قۇرمەتتى ازاماتى، رەسپۋبليكامىزدىڭ ماقتاشىلىق سالاسىنداعى بەلگىلى عالىمى يبادۋللا ۇمبەتاەۆ جايلى ءسوز قوزعاماقپىن.

يبادۋللا ۇمبەتاەۆ ماقتاارال اۋدانىنىڭ كوركەيۋىنە ءوز ۇلەسىن قوسقان ازاماتتاردىڭ بىرەگەيى. ول ماقتا شارۋاشىلىعى سالاسىنا 80 استام عىلىمي ەڭبەكتەر جاريالاعان. ماقتا شارۋاشىلىعى تۋرالى عىلىمي ماقالالار ، تاجىريبەلەر جۇرگىزگەن. ي. ۇمبەتاەۆ ەلباسى قازاقستان رەسپۋليكاسىنىڭ العاشقى پرەزيدەنتى ن.ءا.نازارباەۆتان «قازاقستاننىڭ ەڭبەك سىڭىرگەن قايراتكەرى» قۇرمەتتى اتاعىمەن ماراپاتتالعان جانە ماقتارال اۋدانىنىڭ قۇرمەتتى ازاماتى اتاعىنا يە بولعان.

مەن قازىر گيمنازيا- مەكتەبىندە ەلىمىزدىڭ بواشاعى سانالاتىن جەتكىنشەكتەرگە ءتالىم- تاربيە بەرەمىن. ولاردىڭ بويىندا تۋعان جەرگە ، تۋعان تىلگە دەگەن سۇيىسپەنشىلىك سەزىمىن قالىپتاستىرۋ ۇستازدىق مىندەتىمنىڭ باستى پارىزى دەپ سانايمىن. «رۋحاني جاعىنان جاڭعىرۋ» دا تۋعان ەلگە، جەرگە قۇرمەتپەن قاراۋدان باستالادى دەپ ويلايمىن.

پىكىرلەر