اۋىل كارتيناسى

118

 “تۋعان جەر” شىعارماشىلىق بايقاۋىنا قاتىسۋشىلاردىڭ تۋىندىلارىن پاراقشامىزعا جاريالاۋدى باستادىق. كەلەسى كەلىپ تۇسكەن تۋىندى «ۇزدىك پوەزيا» اتالىمى بويىنشا تلەۋحان داۋرەن تلەۋحانۇلى

 بايلانىس تەلەفونى: 8776 752 5890; 8747 486 2132;

 

كوك اسپان!

بۇلتتار جاتىر شالقاسىنان،

سامال جەل بۇلبۇلداردان ءان تاسىعان.

ءار تاسىننان تابىلعان كوركەمدىگى،

تابىلار ما الەمنىڭ كارتاسىنان؟

 

قولدارىڭ عاجايىپقا سوزىلارداي،

ەسكى ۇيلەر...

ەسىكتەردىڭ ءوزى قانداي!

كوكتە ۇشقان قۇستارعا كۇلىم قاعىپ،

كونە شاتىر قارايتىن كوزىن الماي.

 

جولدار بار سايراپ جاتقان قىر باسىنان،

كوشە بار...

سول كوشەگە كۇندە اسىعام.

...ايتەۋىر ءتۇتىن ءتۇزۋ ۇشادى ىلعي،

ءبىزدىڭ ءۇيدىڭ قيسايعان مۇرجاسىنان.

 

اۋىلدىڭ اڭگىمەسىن تاۋىسا الماي،

ايەلدەر تۇر.

كورىنىس كوپ تاعى سونداي...

...كوكجيەكتەن بارادى كۇن ەڭكەيىپ،

ولىمىنە تاياعان كارى شالداي.

 

كەشقۇرىم قيال ساۋلاپ قاناتىمنان،

كورىندى گۇل بەينەسى جاڭا اشىلعان.

ءبىر حابار كەلەتىندەي توڭىرەكتەن،

تەرەزەم دە ۇيىقتاماي تاڭ اتىرعان...

 

جاقسىلىقتى جانىنا قىلماي بوتەن،

اتالار اقىلىڭدى شىڭدايدى ەكەن.

ەڭ ادال سەزىمدەردى ساقتاپ تۇرعان،

بۇل-اۋىل عوي...

تابىلماس مۇنداي مەكەن!

پىكىرلەر