2020 جىلى 200 مىڭ قازاقستاندىق ءۇشىن الەۋمەتتىك تولەم ارتادى

694

2020 جىلى 200 مىڭ قازاقستاندىق ءۇشىن الەۋمەتتىك تولەم ارتادى. جاردەماقىسى 30% كوبەيەتىندەردىڭ قاتارىندا ەڭبەك ەتۋ قابىلەتىنەن ايىرىلعان، اسىراۋشىسىنان جانە جۇمىسىنان ايىرىلعان ازاماتتار بار.

الەۋمەتتىك تولەمدەر مولشەرىن ۇشتەن بىرگە ارتتىرۋ مىندەتتى الەۋمەتتىك ساقتاندىرۋ تۋرالى زاڭ جوباسىندا قاراستىرىلعان.

 

زاڭ جوباسىنىڭ نەگىزگى ماقساتى – مىندەتتى الەۋمەتتىك ساقتاندىرۋ جۇيەسىندەگى ەڭبەك ءوتىلى مەن تولەم مولشەرى اراسىنداعى بايلانىستى نىعايتۋ.

قازاقستان مۇگەدەكتەرى قانداي ۇستەمە الادى

ەڭبەك مينيسترلىگى مۇگەدەكتەردى الەۋمەتتىك قورعاۋ دەڭگەيىن كوتەرۋ ءۇشىن ەڭبەككە جارامسىزدىق بويىنشا الەۋمەتتىك تولەمدەردىڭ مولشەرىن مەديتسينالىق-الەۋمەتتىك ساراپتامادا ناقتى بەلگىلەنگەن ەڭبەككە جارامسىزدىق دارەجەسىنە سۇيەنە وتىرىپ انىقتاۋدى ۇسىنىپ وتىر.

مىسالى، جەتى جىلدىق قاتىسۋ ءوتىلى جانە 100 مىڭ تەڭگە ورتاشا ايلىق تابىسى بار، جالپى ەڭبەككە جارامسىزدىق دارەجەسى 65% دەڭگەيىندە بەلگىلەنگەن جۇيەگە قاتىسۋشى ءۇشىن جاڭا پارامەترلەر ەسكەرىلە وتىرىپ، تولەم مولشەرى 31 مىڭ 080 تەڭگە بولادى، ال قازىرگى پارامەترلەر بويىنشا – 22 مىڭ 988 تەڭگە ( 35% ءوسىم).

اسىراۋشىسىنان ايىرىلعان قازاقستاندىقتار ءۇشىن ۇستەمە

اسىراۋشىسىز قالعان وتباسىلاردى الەۋمەتتىك قورعاۋدى ارتتىرۋ ءۇشىن اسىراۋىنداعى ادام سانى كوەففيتسيەنتىن وزگەرتۋ ارقىلى الەۋمەتتىك تولەمدەر مولشەرىن ارتتىرۋ ۇسىنىلىپ وتىر. سونىمەن، اسىراۋىندا ءبىر ادام بولعاندا 40% -تەن 50% -كە دەيىن; ەكەۋ بولسا –50% -تەن 65% -كە دەيىن; ۇشەۋ بولسا – 60% -تەن 80% -كە دەيىن جانە ءتورت نەمەسە ودان دا كوپ بولسا – 80% -تەن 100%-كە ارتتىرۋ كوزدەلگەن.

تۇتاستاي العاندا، زاڭ جوباسىنا ۇسىنىلعان وزگەرتۋلەر الەۋمەتتىك تاۋەكەلدەردىڭ ءۇش ءتۇرى – ەڭبەككە جارامسىزدىق، اسىراۋشىسىنان ايرىلۋ جانە جۇمىسىنان ايىرىلۋ بويىنشا، ياعني 200 مىڭ الۋشى ءۇشىن الەۋمەتتىك تولەمدەردىڭ مولشەرىن ورتا ەسەپپەن 30% -عا ارتتىرادى. سونىمەن بىرگە، بۇل الەۋمەتتىك تولەمدەر مولشەرى مەن الەۋمەتتىك ساقتاندىرۋ جۇيەسىنە قاتىسۋ ۇزاقتىعى اراسىنداعى بايلانىستى نىعايتۋعا مۇمكىندىك بەرەدى.

sputniknews.kz

پىكىرلەر