قازاق تاريحي جەڭىلىسكە ۇشىراي ما؟!

648

اقوردا "پوليتتەحنولوگتارىنىڭ" ەشقانداي دا ساياسي تەحنولوگياسى قالماپتى. شەتتەن شاۋىپ كەلگەن بالانى ابليازوۆقا ايتاقتاپ، ابدەن تالاتىپ العانى قىزىق بولدى. ونىڭ وسى ساياسي دەباتتا جەڭىلىپ قالاتىنىن وسىندا وتىرعان قوعام الدىن الا ءبىلىپ تە وتىر ەدى. اقوردانى اقتاپ الاتىن ەندى ەشقانداي دا ساياسي تۇلعا قالمادى. بولمايدى دا. تۇتاس اقوردا ءبىر ابليازوۆقا قاشاننان بەرى قارسى تۇرىپ، توتەپ بەرە الماي تۇر. كەشەگى دەباتتا كوردىڭىزدەر عوي، ءابليازوۆتىڭ كەلتىرگەن فاكتىلەرى شەگەنمەن قاققانداي، نىسانانى تەسىپ ءوتىپ وتىردى. ءوزى وتە سەنىمدى. ءابليازوۆتىڭ ءبىر عانا كەمشىلىگى بار. قازاق تىلىندە تولىق اقپاراتپەن قازاقى قوعامدى تۇتاس قامتاماسىز ەتە الماي تۇرعانى. ءابليازوۆتىڭ قورقىپ وتىرعانداي تۇگى دە جوق، سىر الدىرمادى. اقوردانىڭ پوليتتەحنولوگ شالدارىنىڭ ءبىر قىزىق تۇسىنىگى بار. بۇلار قازاقى قوعامدى وسى ۋاقىتقا دەيىن باياعى كاممۋنيستىك ۋاقىتتاعى دەڭگەيدە قابىلداپ وتىرعانى. دەمەك، ولاردىڭ ساناسى دا، ساياسي ويلاۋ ءورىسى دە، زاماناۋي پوليتتەحنولوگيالىق باسقارۋ تاجىريبەسى دە وتكەن ەسكى ۋاقىتتا قالىپ قويعان. ولاردان الاتىن ەشقانداي دا ساياسي قۇندىلىقتار قالمادى دەگەن ءسوز. مۇنداي ادامدار تەك قانا بيۋروكراتيا مەن تسەنزۋرانى عانا، ءتۇبى انارحيانى عانا كوكسەيدى. سەبەبى، بولمىسى دا سونداي. زامان وزگەردى، اقپارات دەگەن تاسقىن بولىپ، ءتىپتى، مۇحيت بولىپ اعىپ تۇر. ەل-جۇرت نە وقيمىن دەسە دە الدىنان شىعا كەلەدى. اق پەن قارا اجىراتىلدى. اجىراتىلماعان ەشنارسە دە قالمادى. قوعامنىڭ ساناسى باياعى كاممۋنيستىك سانا ەمەس، الدەقايدا وزگەرگەن. باياعى كاممۋنيستىك سانادا قالعان تەك اقوردانىڭ تۇرىندارى عانا. ال، اقوردانىڭ جاس پوليتتەحنولوگتارى كارى كوسەمدەردىڭ ىعىنان شىعا الاتىن ءتۇرى جوق. كەشەگى دەباتتا ەرتىسباەۆتى قازاقى قوعام ءبىر جاقتى شەتكە تەۋىپ شىعارىپ تاستادى. ءتىپتى قابىلداعان دا جوق. بۇل دا ەڭ سوڭعى ساياسي جۇرىستەردىڭ، جول تابۋدىڭ ءبىر تاكتيكاسى بولاتىن. بىراق وتپەدى. ءسوزدىڭ قورىتىندىسى بىرەۋ عانا. اقوردانىڭ قازىرگى جۇرگىزىپ وتىرعان ساياسي جۇيەسى مەن ساياسي تەحنولوگياسى ءبىزدىڭ قوعامدى باسقارۋعا ءپروفيلى مۇلدەم كەلمەيدى. ەگەر وسى جۇيەنىڭ جۇمىسى جالعاسا بەرسە، قازاق مەملەكەتى ۇلكەن تاريحي جەڭىلىسكە تاپ كەلەدى. ءدال قازىر اۋپىرىمدەپ كۇشتىك قۇرىلىمدار ارقىلى عانا ۇستاپ تۇر. بۇل جەڭىس ەمەس، اۋىر جەڭىلىس. مىقتى ءبىر كوشباسشى مەن ارتىنان قولداپ شىعاتىن ەلەكتورات شىعا كەلسە، بۇلار ءبىر كۇندە اتتان اۋىپ ءتۇسىپ قالايىن دەپ تۇر.

 

بەكبولات قارجان

پىكىرلەر