توقاەۆتىڭ ءباسپاسوز حاتشىسى: قىتايمەن ارالاسپاۋ مۇمكىن ەمەس

371

قر پرەزيدەنتىنىڭ ءباسپاسوز حاتشىسى بەرىك ءۋالي توقاەۆتىڭ قىتايعا ساپارى جونىندە تولىققاندى مالىمەتتەر بەرىپ كەتتى،- دەپ حابارلايدى adyrna.kz ۇلتتىق پورتالى.

"بۇل ساپار ءبىزدىڭ ەلدەر اراسىنداعى ەكىجاقتى قارىم-قاتىناستاردىڭ دامۋىنا ۇلكەن ىقپال ەتەدى، جالپى ساپار جەمىستى بولدى", - دەدى ول وكق-دا وتكەن بريفينگتە.

- وزدەرىڭىز بىلەسىزدەر، قازاقستان رەسەي فەدەراتسياسىمەن، سول سەكىلدى قحر-مەن دە شەكارالاس. بۇگىنگى تاڭدا شەكارانىڭ ۇزىندىعى 1782 شاقىرىمدى قۇرايدى. كورشى ەل بولعان سوڭ، ارالاس-قۇرالاسسىز ءومىر ءسۇرۋ مۇمكىن ەمەس، قىتاي ءبىزدىڭ كورشىمىز. سوندىقتان ءبىز بۇل ەلمەن ستراتەگيالىق ىنتىماقتاستىقتى قالىپتاستىرۋىمىز كەرەك. ارينە، قىتايدا تەحنولوگيا جاقسى دامىعان جانە ول ەكونوميكالىق دامۋ جاعىنان ەكىنشى ورىندا تۇرعان الىپ مەملەكەت. مۇنداي دامىعان كورشىمەن ارالاسپاۋ مۇمكىن ەمەس، - دەدى بەرىك ءۋالي.

- ءبىز قىتاي مۇندا كەلىپ، ءوزىنىڭ يدەولوگياسىن، ساياساتىن جۇرگىزبەيتىنىن جاقسى ءتۇسىنۋىمىز كەرەك دەپ ويلايمىن. كەرىسىنشە، كۇندەلىكتى ومىردە كۇن سايىن جاڭارىپ جاتقان تەحنولوگيا مەن يننوۆاتسيانى ەنگىزۋگە كومەكتەسەدى. قىتاي قازاقستان جەرىنە كوز سالىپ وتىرعان جوق، ولار ءبىزدىڭ تاۋەلسىزدىگىمىزدى مەن تەرريتوريامىزدىڭ بۇتىندىگىن مويىندايدى. ولار قازاقستانعا تەك ستراتەگيالىق سەرىكتەسى رەتىندە قارايدى. ولاردىڭ باستى ماقساتى – ساۋدا-ساتتىق. وسى ساۋدا-ساتتىقپەن پايداعا كەڭەلۋدە، سوندىقتان ولار الەمنىڭ بارلىق ەلىمەن ساۋدا-ساتتىق جۇرگىزۋگە مۇددەلى. قىتايدىڭ باستى ماقساتى وسى، - دەپ ءتۇسىندىردى ول.

- ەكىنشىدەن، قازىر بۇكىل الەمدە قىتاي ينۆەستيتسيالارى ءۇشىن تالاسىپ-تارتىسىپ جاتىر، ءتىپتى دامىعان ەلدەردىڭ ءوزى دە قىتاي ينۆەستيتسياسىنا قول جەتكىزگىسى كەلىپ، العا ۇمسىنادى. ءبىز ولاردىڭ ينۆەستيتسياسىنان باسىمىزدى الا قاشا المايمىز. ولاي بولمايدى. بىزگە دامۋ ءۇشىن ول ينۆەستيتسيالار قاجەت، - دەدى ول.

پىكىرلەر