جامبىلدا 30 مىڭعا جۋىق بالاعا كومەك كورسەتىلدى

855
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الەۋمەتتىك از قامتىلعان وتباسىلاردىڭ بالالارىن مەكتەپكە دايىنداۋ وتە وزەكتى بولىپ وتىر. ويتكەنى كەيبىر وقۋشىلاردىڭ مەكتەپكە كيىپ باراتىن كيىم-كەشەگى مەن قۇرال-جابدىقتارى بولماي جاتادى. سوندىقتان دا ەلىمىزدە «مەكتەپكە جول» اتتى اۋقىمدى اكتسيا باستالعان بولاتىن.

«مەكتەپكە جول» اكتسياسىنان جامبىل وبلىسى دا قالىس قالماي، 29 927 بالاعا 435 ميلليون 224 مىڭ تەڭگەنىڭ ماتەريالدىق كومەگى كورسەتىلدى.
وبلىستىق ءبىلىم باسقارماسىنىڭ باس مامانى گاۋھار بايتەليەۆانىڭ ايتۋىنشا، بۇل 1 شىلدە مەن 16 قىركۇيەك ارالىعىنداعى كورسەتكىش. وبلىس اكىمدىگىنىڭ ءبىلىم باسقارماسىنىڭ ۇيىمداستىرۋىمەن ءوتىپ جاتقان ءداستۇرلى جالپى رەسپۋبليكالىق اكتسياسى جىل بويى جالعاسپاق.

«مەكتەپكە جول» قايىرىمدىلىق اكتسياسىن ۇيىمداستىرۋ جانە وتكىزۋ جونىندە وڭىرلىك ءىس-شارالار جوسپارى ازىرلەنىپ، وبلىس اكىمدىگى تاراپىنان بەكىتىلدى. اكتسيا اياسىندا وڭىردەگى ءتۇرلى سەبەپتەرمەن وقۋمەن قامتىلماي وتىرماي وتىرعان مەكتەپ جاسىنداعى بالالاردى انىقتاۋ ماقساتىندا 1 شىلدە – 16 قىركۇيەك ارالىعىندا 1276 رەيدتىك ءىس-شارا جۇرگىزىلدى. وعان ءبىلىم بەرۋ جانە بالالاردىڭ قۇقىعىن قورعاۋ ۇيىمدارى، ىشكى ىستەر ءبولىمىنىڭ قىزمەتكەرلەرى، حالىقتى الەۋمەتتىك قورعاۋ سالاسىنىڭ وكىلدەرى، ۇكىمەتتىك ەمەس ۇيىمدار، بۇقارالىق اقپاراتتىق قۇرالدارى مەن اتا-انالاردىڭ وكىلدەرىنەن قۇرالعان بارلىعى 1905 تۇلعا قاتىستى»، – دەيدى گاۋھار بايتەليەۆا.

باس ماماننىڭ ايتۋىنشا اكتسيا اياسىندا جەرگىلىكتى بيۋدجەت ەسەبىنەن 368 ميلليون 588 مىڭ تەڭگەگە 23777 بالاعا كيىم-كەشەك، مەكتەپكە كەرەك قۇرال-جابدىقتار الىپ بەرىلگەن. ءدال وسىنداي كومەك تۇرلەرى دەمەۋشىلەر ەسەبىنەن 66 ميلليون 635 مىڭ تەڭگەگە 6157 بالاعا كورسەتىلگەن.

«كومەكپەن قامتىلعانداردىڭ باسىم كوپشىلىگى كوپبالالى، از قامتىلعان، تولىق ەمەس وتباسىلاردان شىققان جانە جەتىم بالالار. بۇگىنگى تاڭدا وبلىستاعى كوپ بالالى جانە از قامتىلعان وتباسىنان شىققان بالالاردىڭ سانى – 28230.  بۇگىنگى كۇنى وڭىرلىك ءىس-شارالار جوسپارىنا سايكەس جۇمىستار جالعاستىرىلۋدا. ءبىلىم باسقارماسىندا جىل بويى ازاماتتاردىڭ وتىنىشتەرى بويىنشا جەدەل شارا قولدانۋ ماقساتىندا بايلانىس تەلەفوندارى قىزمەت ەتەدى. ونداي بايلانىس تەلەفوندارى بارلىق ءبىلىم بولىمدەرىندە دە قىزمەت ەتەدى»، – دەيدى گاۋھار بايتەليەۆا.

ايتا كەتەيىك، وتكەن جىلى وڭىردە «مەكتەپكە جول» اكتسياسى بارىسىندا 32106 بالاعا 324 ميلليون 752 مىڭ تەڭگەگە ماتەريالدىق كومەك كورسەتىلگەن بولاتىن.

«ادىرنا»

ۇلتتىق پورتالى

 

پىكىرلەر
رەداكتسيا تاڭداۋى