ورىس مەكتەبى بولماسا قازاق ءتىلى داميدى

125

«قازاقستان» قوناق ءۇيىنىڭ قاسىنان تاكسي ۇستاپ، ماشينە ەندى ۇزاي بەرگەن كەزدە جولدىڭ شەتىندە تۇرعان تاعى ەكى ادام قول كوتەردى. جولىمىز ءبىر ەكەن، تاكسيست جىگىت ەكەۋىن دە وتىرعىزىپ الدى. باسىندا مەن تۇسىنىكسىز تىلدە سويلەسىپ تۇرعاندارىنا قاراپ قىتايلار ما دەپ قالسام، ءوزىمىزدىڭ دۇڭعاندار بولىپ شىقتى. وسىدان 4-5 جىل بۇرىن قىرعىزستاندا توڭكەرىستەن كەيىن توڭكەرىس بولىپ جاتقاندا، 5-6 ءۇي بولىپ الماتىعا قاراي كوشىپ كەلىپتى. وزدەرى ءبىر-ءبىر جەردە جۇمىس ىستەيدى. ايتپاقشى، ءبارى بالالارىن ورىس مەكتەبىنە بەرىپتى. قازاقستانعا كەلگەن باسقا ۇلتتىڭ وكىلدەرى بالالارىن ورىس مەكتەبىنە اپارىپ وقىتادى. بىزدەگى قىرعىزداردىڭ بالالارى دا ورىس مەكتەبىندە وقيتىنىن ەستىگەندە، بىلتىر قاتتى تاڭعالعام. سويتسەم، ولار بالاسىن قازاق بولىپ كەتپەس ءۇشىن ورىس مەكتەبىنە بەرەدى ەكەن. قىرعىزدار عانا ەمەس، ەلىمىزدەگى باسقا دياسپورالار دا، قازاقتىڭ ءوزى دە ءالى كۇنگە دەيىن بالاسىن ورىس مەكتەبىنە اپارىپ وقىتادى. قازاققا نە جوق دەسەڭشى! بىزدە قازاقتىڭ ءتىلىنىڭ دە، قازاقتىڭ ءوزىنىڭ دە سىيى جوق. 30 جىل بويى ىستەلگەن كەرتارتپا يدەولوگيانىڭ كەسىرى عوي. ويلاپ قاراپ وتىرساڭ، ورىس مەكتەبى - قازاق تىلىنە كەدەرگى كەلتىرىپ تۇرعان جالعىز فاكتور ەكەن. ورىس مەكتەبىن جاۋىپ تاستاساق، ءبارى بالاسىن قازاق مەكتەبىنە اپارىپ وقىتادى دا، قوعامىمىز قازاقىلانا باستايدى!

 

جولىمبەت ماكىش

"ادىرنا" ۇلتتىق پورتالى

پىكىرلەر