جاكىشەۆ سوتى وزگەرىسسىز قالدى

154

"قازاتومونەركاسىپ" ۇلتتىق كومپانياسىنىڭ بۇرىنعى باسشىسى مۇحتار جاكىشەۆتى شارتتى تۇردە مەرزىمىنەن بۇرىن بوساتۋ تۋرالى ءوتىنىش قاناعاتتاندىرىلمادى. 10 قىركۇيەكتە وسكەمەن قالاسىنداعى شىعىس قازاقستان وبلىستىق سوتىندا اپەللياتسيالىق القا وتىرىسى ءوتتى، - دەپ حابارلايدى  adyrna.kz ۇلتتىق پورتالى كتك تەلەارناسىنداعى اقپاراتتى نەگىزگە الا وتىرىپ.

جاكىشەۆتىڭ ادۆوكاتى سوت وتىرىسىندا بىرقاتار قارسىلىقتارىن ءبىلدىردى. ول جاكىشەۆسىز ءىستى قاراۋ مۇمكىن ەمەس دەپ سانادى. وعان سەبەپ، جاكىشەۆ ۆيدەوقوڭىراۋ ارقىلى سوتقا قاتىسۋى كەرەك بولعان. وكىنىشكە قاراي، بايلانىس قانداي دا ءبىر كۇشتىڭ سالدارىنان رەتكە كەلتىرىلمەگەن.

10 جىلدان استام تۇرمەدە وتىرعان جاكىشەۆكە بۇگىن اياۋشىلىق تانىتا ما دەپ كۇتكەن ەدىك. 24 شىلدەدە سەمەي سوتى وعان شارتتى تۇردە كەلىسىم بەرمەدى. سوعان وراي جاكىشەۆتىڭ قورعاۋشىسى اپەللياتسياعا بەردى، الايدا ءوتىنىشتى قاناعاتتاندىرماۋ تۋرالى شەشىم كۇشىندە قالدى.

 

"ادىرنا" ۇلتتىق پورتالى

پىكىرلەر