اليبابا باسشىسىز قالدى!

155

دجەك ما-نىڭ كومپانيادان كەتۋ جوسپارى جاريالانعاننان ءبىر جىل وتكەن سوڭ ورىن الدى.

Alibaba كومپانياسىنىڭ نەگىزىن قالاۋشى دجەك ما رەسمي تۇردە قىتايلىق كومپانيانىڭ ديرەكتورلار كەڭەسىنىڭ توراعاسى قىزمەتىنەن كەتتى. بۇل تۋرالى Bloomberg حابارلايدى.

ونىڭ ورنىنا قازىر باس ديرەكتور دانيەل چانگ كومپانيانى باسقارادى. قىزمەتتىڭ اۋىسۋى ءدال 10 جىل بۇرىن، دجەك ما وتستاۆكاعا كەتەتىنىن مالىمدەگەن كەزدە جوسپارلانعان بولاتىن. وسىعان قاراماستان، اگەنتتىكپەن سۇحبات بەرگەن ساراپشىلاردىڭ پىكىرىنشە، دجەك ما شەشىم قابىلداۋدا ۇلكەن ءرول اتقاردى.

دجەك ما ديرەكتورلار كەڭەسىنىڭ كەلەسى جىلدىق جينالىسىنا دەيىن قالادى. ول سونىمەن قاتار Alibaba سەرىكتەستىگىنىڭ بولىگى بولىپ قالا بەرەدى. بۇل Alibaba Group قۇرامىنداعى كاسىپورىنداردىڭ اعا باسشىلارىنان تۇراتىن توپ. ونىڭ مۇمكىندىكتەرى كومپانيانىڭ ديرەكتورلار كەڭەسىنە قىزمەتكە تاعايىنداۋعا جانە قىزمەتكەرلەردى تاعايىنداۋعا مۇمكىندىك بەرەدى.

دجەك ما جۇمىستان كەتۋ كۇنىن مۇعالىمدەر كۇنىمەن تۇسپا-تۇس تاڭدادى. قىتايدا ۇستازدار  كۇنى 10 قىركۇيەكتە اتاپ وتىلەدى. Alibaba كومپانياسىنىڭ نەگىزىن قالاۋشى ۇزاق ۋاقىت بويى قاراپايىم اعىلشىن مۇعالىمى رەتىندە جۇمىس ىستەدى.

بۇعان دەيىن ميللياردەر بولاشاقتا وقىتۋشىلىق قىزمەتكە ورالۋدى جوسپارلاپ وتىرعانىن ايتقان.

سوڭعى ءبىر جىل ىشىندە ول ءوز بيلىگىن دەنيەل چجانعا بەردى. Forbes جۋرنالى ونىڭ بايلىعىن 38,6 ميلليارد دوللارعا باعالايدى جانە ونى الەمدەگى ەڭ باي ادامداردىڭ رەيتينگىسىندە 21-ورىنعا قويادى.

ول 1999 جىلى Alibaba كومپانياسىن قۇردى. بۇگىندە بۇل الەمدەگى ەڭ ءىرى ەلەكتروندىق كوممەرتسيا جانە ساندىق تولەم كومپانياسى.

 

اۋدارعان:  "ادىرنا" ۇلتتىق پورتالى

پىكىرلەر