قىتايدىڭ قازاققا قۇيعان ينۆەستيتسياسى وزگە ەلدەردەردەن الدەقايدا كەم

228

تاعى دا سينوفوبيالىق كوڭىل كۇي ەلدى باۋراپ الدى. ەڭ جامانى، وسى حايپ ارقىلى كەيبىر ازاماتتار ەل الدىندا ءوز بەدەلدەرىن كوتەرگىسى كەلەدى. جانە وسى جايتتى سول ادامدار بۇرىس جولدا قولدانىپ، حالىق نارازىلىعىن ءوز پايداسىنا جاراتۋدا.

كەسىپ ايتايىن، بەيبىت شەرۋ جاقسىلىقتىڭ بەلگىلىسى. ازاماتتىق قوعام دامۋدا دەگەن ءسوز. وكىنىشتىسى، حالىق وسى ساتتە فەيكنيۋسقا بەرىلىپ، الەۋمەتتىك جەلىدەگى اقپاراتتى دۇرىس تۇسىنبەي ءجۇر.

ءبارىمىز قىتاي ەكونوميكاسىنىڭ مىقتى ەكەنىن بىلەمىز، بىراق شىنايى تسيفرلاردى الساق، ولاردىڭ قازاق ەلىنە قۇيعان ينۆەستيتسيا كولەمى، باسقا ەلدەردىكىنەن الدەقايدا كەم.

شىنتۋايتىنىنا كەلسەك، شەرۋگە شىققان ادامنىڭ كوبىسى قىتاي تاۋارلارىن تۇتىنۋشىلار. دەمەك ترامپتىڭ قىتايعا جاساپ وتقان قىسىمىنىڭ ەففەكتىسى اللەقايدا مىقتىراق. ماحاتما گاندي بريتانيانى سولاي جەڭدى ەمەس پە؟

شەرۋشىلەردىڭ كوبى ەل بولاشاعى ءۇشىن ءجۇرمىز دەيدى. بارەكەلدى. بىراق نە ىستەسە دە، جەلىدەگى جالعان اقپاراتتىڭ قۇرباندارى ەكەنى انىق. ەل اراسىندا اعارتۋ دەڭگەيى تومەن سەكىلدى.

ءوتىنىپ سۇرارىم، ەلگە كەلەر ينۆەستيتسياعا قارسى شىقپاي، باسقالاردىڭ مۇددەسىن قورعامايىق، حالقىم.

امان كەنجەبايۇلى

"ادىرنا" ۇلتتىق پورتالى

پىكىرلەر