اقجارقىن تۇرلىبايدىڭ اناسى: توقاەۆ مىرزا، قىزىما كومەك كەرەك! (ۆيدەو)

2251

قىتايدا ۇستالعان اقجارقىن تۇرلىبايدىڭ اناسى زۋحرا سەيتىموۆا قازاقستان پرەزيدەنتى قاسىم-جومارت توقاەۆتان كومەك سۇرادى دەپ جازادى adyrna.kz ۇلتتىق پورتالى Tengrinews.kz سايتىنداعى مالىمەتتەردى نەگىزگە الا وتىرىپ.

اقجارقىن تۋرالى جازعان الدىنعى اقپاراتتاردا شەشۋشى سوت 3-قىركۇيەك كۇنى وتەتىنى تۋرالى جانە اناسى زۋحرا سەيتىموۆانىڭ اتىنان جول پۇلى مەن ۆيزا اشتىرۋعا 500 مىڭ تەڭگە  كەرەك دەپ، بۇقارادان كومەك سۇراعان ەدىك. ناتيجەسىندە حالىقتىڭ تيىنداپ بولسىن قوسقان ۇلەسىنىڭ ارقاسىندا، كەرەك قاراجات جينالىپ، اناسى قىزىمەن سوت زالىندا 15 مينۋت  تىلدەسۋ باقىتىنا يە بولدى. الايدا بىزدەن سۇراعان قاعازدى بەرە الماعاندىقتان، اشىق سوتتىڭ شەشىمى ءالى شىعارىلمادى.  قازاقستان ىشكى ىستەر مينيسترلىگى دە قاجەتتى مالىمدەمەنى بەرمەي وتىر.

"اسا قۇرمەتتى پرەزيدەنت مىرزا - قاسىم-جومارت توقاەۆ! 2014 جىلى ناۋرىز ايىنان باستاپ مەنىڭ قىزىم اقجارقىن تۇرلىباي قىتاي ەلىندە ەسىرتكى كونترابانداسىمەن تاسىمالدادى دەگەن كۇدىكپەن ۇستالدى. بەس جىلدان اسا ۋاقىتتان بەرى مەنىڭ قىزىمنىڭ ۇستىنەن سوت ءجۇرىپ جاتىر. سودان بەرى، ءومىر بويىنا باس بوستاندىعىنان ايىرىلسىن دەگەن ۇكىم شىعارىلدى. ودان كەيىن ونىڭ كۇشى جويىلدى. قازىر تەرگەۋ ءجۇرىپ جاتىر. مەنىڭ قىزىمنىڭ تاراپىنان قىتاي جاعىنان دا قازاقستان جاعىنان دا ادۆوكاتتار تەگىن قىزمەت كورسەتىپ جاتىر. ولارعا مەنىڭ العىسىم شەكسىز. 2015 جىلى تساريكتس ۇيىمى مەنىڭ قىزىمدى، اقجارقىن تۇرلىبايدى نيگەريالىق ەسىرتكى مافيالارىنىڭ قۇربانى بولعانى تۋرالى مالىمدەمە جاسادى. الايدا قازاقستان ىشكى ىستەر مينيسترلىگى قاجەتتى مالىمدەمە بەرمەي وتىر. سوعان قاراي، بىزگە جۇمىس ىستەمەي جاتىر. قر كونستيتۋتسياسىنىڭ 11-بابى 2-بولىگى بويىنشا، ەلىمىزدىڭ ازاماتتارى شەتەلدە بولعاندا ولاردىڭ قۇقىعى قورعالادى دەلىنگەن. بۇل سىزگە تانىس جاعداي دەپ بىلەم. سىزدەن ءوتىنىپ سۇرارىمىز، وسى مەنىڭ قىزىمنىڭ، ول جاقتان شىعۋىنا كومەك بەرسەڭىز. سىزدەن جالىنىپ سۇرانامىز. مەن، مەنىڭ وتباسىم، اكەسى، باۋىرلارى سىزدەن سۇرايتىنىمىز - مەنىڭ قىزىما كومەكتەسىڭىزشى. قىزىمنىڭ جازىعى جوق ەكەنى كەشەگى بارعان سوتىندا دالەلدەر كەلتىرىلدى. بىراق ولار بىزدەن سۇراعان قاعازدى بەرە الماعاندىقتان، اشىق سوتتىڭ شەشىمى شىعارىلعان جوق. سوعان دەيىن، ءسىز بىزگە كومەكتەسسەڭىز ەكەن. راقمەت سىزگە!", -دەيدى اقجارقىن تۇرلىبايدىڭ اناسى.

#action=share

 

"ادىرنا" ۇلتتىق پورتالى

 

 

 

 

 

پىكىرلەر
رەداكتسيا تاڭداۋى