ەل دامۋىن ايقىندايتىن جاڭا قادام

341

مەملەكەت باسشىسى قاسىم-جومارت توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا ارناعان جولداۋى قوعامنىڭ قىزۋ قولداۋىنا يە بولدى. جامبىل وبلىستىق قحا جامبىل وبلىسى اكىمى اپپاراتىنىڭ «قوعامدىق كەلىسىم» كمم جولداۋعا بايلانىستى جيىن ۇيىمداستىرىپ، ەتنوس وكىلدەرىنىڭ باسىن قوستى.

2019 جىلدىڭ قىركۇيەك ايى جاڭا سەرپىنمەن باستاۋ الدى. جاڭا پارلامەنتتىك ماۋسىمنىڭ باستالۋىمەن قاتار قازاقستان رەسپۋبليكاسىنىڭ پرەزيدەنتى حالىققا «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىن جولدادى.

مەملەكەت باسشىسى جولداۋدا  بەس ماڭىزدى قادامدى تىزبەكتەدى. اتاپ ايتقاندا زامان تالابىنا ساي ءتيىمدى مەملەكەت; ازاماتتاردىڭ قۇقىقتارى مەن قاۋىپسىزدىگىن قامتاماسىز ەتۋ; قارقىندى دامىعان جانە ينكليۋزيۆتى ەكونوميكا; الەۋمەتتىك جاڭعىرۋدىڭ جاڭا كەزەڭى;  قۋاتتى وڭىرلەر – قۋاتتى ەل   تارماقتارىن   تايعا تاڭبا باسقانداي اتاپ كورسەتتى. جولداۋدا كورسەتىلگەن ءاربىر تارماق ءوز بەتىنشە حالىقتىڭ جاعدايىن، ءال-اۋحاتىن جاقسارتۋعا باعىتتالعان. سولاردىڭ ىشىندە قازاق ءتىلىنىڭ مارتەبەسىن كوتەرۋ، ءتىلدى ودان ءارى دامىتۋ تۋراسىنداعى تۇجىرىمى كوڭىلىمىزگە جىلۋ ۇيالاتقانداي.

سونىمەن قاتار، مەملەكەت باسشىسى ق.ك توقاەۆ ۇلتتىڭ بىرلىگى جانە ەلدە ەتنوستىق توپتاردىڭ تىلدەرى مەن مادەنيەتىن دامىتۋ ءۇشىن جاعداي جاسالاتىنىنا ۋادە بەردى. سونداي-اق، ۇلى دالانىڭ كەڭ بايتاق جەرى شەتەلدىكتەرگە ساتىلمايتىنىن ايتتى. بۇل شەشىمى قارا حالىقتىڭ كوكەيىندەگى قىجىلىن باسىپ، كوڭىلىن ورنىنا ءتۇسىردى. اتا-بابادان قالعان اسىل مۇرا ۇرپاققا عانا تيەسىلى ەمەس پە؟! «ەڭبەك ەتەم، ەگىن ورام!» دەگەنگە جەر جەتەدى، تەك سونى ءتيىمدى پايدالانۋ كەرەكتىگىن دە ەسكەرتتى.

جولداۋدى قولداۋ، تالقىلاۋ ماقساتىندا ءوزىم باسقارىپ وتىرعان  وڭىردەگى دوستىق ۇيىندە جامبىل وبلىسى اكىمى اپپاراتىنىڭ «قوعامدىق كەلىسىم» كمم ۇجىمىنىڭ ۇيىمداستىرۋىمەن ەتنوس وكىلدەرىنىڭ، انالار كەڭەسىنىڭ، جاستار قاناتىنىڭ  دوڭگەلەك ۇستەلدەرى ءوتتى. مۇندا ەتنوس وكىلدەرى پرەزيدەنتتىڭ جولداۋى تۋرالى ويلارىن، جەكە تۇلعالىق پىكىرلەرىن ورتاعا سالدى. قاسىم-جومارت كەمەلۇلىنىڭ بۇل جولداۋى جاسقا دا، كارىگە دە ءتيىمدى، جان-جاقتى تىڭ دۇنيەگە تولى قۇجات بولدى. بارىنەن بۇرىن جاستاردىڭ جۇمىلعان جۇدىرىقتاي تىزە بىرىكتىرە جۇمىس ىستەۋى مەنى قۋانتادى. ولارعا قاراعان سايىن ەرتەڭگە سەنىمدىلىگىم ارتادى. وسى ورايدا بيىلعى جىلدى «Jastar  jyly» دەپ اتاۋىمىز ولارعا قانات بىتىرگەندەي، مەملەكەتىمىزدە جاستارعا دەگەن سەنىمنىڭ ەرەكشەلىگىن سەزىندىرگەندەي.

جالپى ەل ءۇشىن، جەر ءۇشىن، بولاشاق ءۇشىن پرەزيدەنتتىڭ وسىناۋ جولداۋى قوعامدى قوزعاپ، كوڭىلگە كۇدىك ۇيالاتقان، ەل كوكەيىندە تۇرعان  سان ءتۇرلى ساۋالعا جاۋاپ بولدى. ەندى ەل داڭقى ارتىپ، مەرەيى ۇستەم بولا تۇسەدى دەگەن سەنىمدەمىن. سەبەبى، مەملەكەت باسشىسى حالىققا ايتقانىن ورىنداۋعا سەرت ەتتى. بۇل ناعىز ەردىڭ ءىسى.

رانو ۋبايدۋللاەۆا

جامبىل وبلىسى اكىمى اپپاراتىنىڭ

 «قوعامدىق كەلىسىم» كمم باسشىسى

 

پىكىرلەر