726 مىڭ دوللار بولىنگەن قالامگەرلەر فورۋمى قالاي ءوتتى؟

575

ەل بيۋدجەتىنەن 281 ميلليون 35 مىڭ تەڭگە (726 مىڭ دوللار) بولىنگەن ازيا ەلدەرى قالامگەرلەرىنىڭ فورۋمى ءبىز تولەگەن سالىقتان كەتكەن شىعىندى تولىعىمەن اقتادى. قاتىسقان جازۋشىلار نە ايتارىن الدا وقي جاتارمىز.

ال بىلايعى جۇرت وسى قاراجاتتىڭ ارقاسىندا مەملەكەتتىك سىيلىقتىڭ يەگەرى ءسابيت دوسانوۆتىڭ نازارباەۆ اۋلەتىنىڭ قۇداسى بولعاندىقتان شابىتى زورايىپ، كىتاپ دەگەندەرىن جىل سايىن توپىرلاتىپ باستىرىپ جاتقانىن ولجاس كوكەم سۇلەيمەنوۆتىڭ بايانداماسىنان ءبىلدى. قۇرمەتتى مەيمان رەتىندە موڭعوليادان ارنايى شاقىرىلعان، مەنىڭ دوسىم، كورنەكتى جازۋشى عۇناجاپتىڭ بالاسى ايۋىرزان قازاقتىڭ حالىق جازۋشىسى قابدەش كوكەم جۇمادىلوۆكە شىڭعىس حانعا تالاسقانى ءۇشىن "قول شىعارىپ", تاريح ء"پانىنىڭ ەمتيحانىنان" وماقا اسىرىپ قۇلاتىپ جىبەردى.

وسىنىڭ ءوزى نەگە تۇرادى؟ قاتارىنان بىرنەشە فورۋم وتكىزىپ جىبەرۋگە بولاتىن-اق دۇنيە عوي. تاعى ءبىر ماقتانىپ ايتاتىن نارسە، نوبەل سىيلىعىنىڭ لاۋراەتتارى مو يان مەن ورحان پامۋك وزدەرىنشە بولىپ كەلمەي قويسا دا سول سىيلىق بۇيىرماي قالعان نومينانتتاردىڭ كەلگەنى دە جانە ءبىر سۋ جاڭا فورۋم ۇيىمداستىرۋعا بولارلىقتاي وقيعا بولدى. ال كەلەسى فورۋمدى ازيانىڭ وزگە ءبىر ەلى وتكىزۋگە بىزدىكىلەر ۇسىنعان ەستافەدانى تالاسىپ-تارماسىپ باس سالىپ، الۋلارى كەرەك ەدى. ولار  قۇلشىنىپ تۇرعان جوق سەكىلدى. ەشتەڭە ەتپەس، اراعا ءۇش جىل سالىپ تاعى دا ءوزىمىز وتكىزە سالارمىز دەپ تارقاسقان سەكىلدى عوي. كوزبەن كورگەن جىگىتتەر ايتا جاتار.

 

قۋاندىق شاماقايۇلى

"ادىرنا" ۇلتتىق پورتالى

پىكىرلەر