ەرمۇرات باپي «اقيقات»جسدپ پارتياسى باسشىلىعىنان كەتتى

579

«اقيقات» جسدپ-نىڭ توراعاسى ەرمۇرات باپي zhasalash.kz حابارلاۋىنشا پارتيا باسشىلىعىنان كەتىپ، مۇشەلىكتەن دە شىعارىلدى. ول ءوز ورنىنا جانبولات مامايدى سايلاماقشى بولعان. الايدا ونىڭ ورنىنا اسحات راقىمجانوۆ پارتيا توراعاسى بولدى. پارتيانىڭ جاڭا توراعاسى تۋرالى دەرەكتەر از. دەگەنمەن اسحات راقىمجانوۆ بۇعان دەيىن پارتيانىڭ نۇر-سۇلتان قالالىق بولىمشەسىنە جەتەكشىلىك ەتكەن ەكەن.

پارتيا سەزىندە ساياسي ۇيىم باسشىلارىنا سەنىمسىزدىك ماسەلەسى تالقىلانىپ، باسشىنى پارتيالاستارى پاريجگە ءبىر توپ بەلسەندىلەرمەن قازاقستاننىڭ ەكس-پرەمەر-ءمينيسترى اكەجان قاجىگەلدين جانە اتىراۋ وبلىسىنىڭ بۇرىنعى اكىمى بەرەگي رىسقاليمەن كەزدەسكەنىن ايتىپ ايىپتاعان. ناتيجەسىندە ەرمۇرات باپيدىڭ وتىرىستاعى سوڭعى ءسوزى "ەلدەگى جالعىز وپپوزيتسيالىق پارتيانى جەرلەدىڭىزدەر" بولدى.

ەرتەرىڭىزگە سالا كەتەيىك، جسدپ پارتياسىن 12 جىل باسقارعان ساياساتكەر جارماحان تۇياقباي 2019 جىلدىڭ ءساۋىر ايىندا قىزمەتىنەن كەتىپ، ەرمۇرات باپي سايلانعان ەدى. ەرمۇرات باپي بەلگىلى قوعام قايراتكەرى، «DAT» جوبالارىنىڭ اۆتورى.

 

 

"ادىرنا" ۇلتتىق پورتالى

 

 

 

پىكىرلەر