پرەزيدەنتتىڭ قىتايعا ساپارى جالعاسسا ءبىر تولقۋ بولماق

191

پرەزيدەنت 10-11 قىركۇيەككە جوسپارلانعان قىتايعا ساپارىن جالعاستىرسا ءبىر تولقۋ بولادى-اۋ. الداعى 5-6 كۇندە ءتۇسىندىرۋ جۇمىستارى كومەكتەسەدى دەپ ويلامايمىن. نەگىزى قىتاي زاۋىتى ءجاي سەبەپ. ونىڭ ارتىندا 30 جىلعى جۇيەدەن، الداۋ مەن ارباۋدان، كەرى كەتكەن تابىس كوزىنىڭ ازايۋىنان شارشاعان حالىق بار.

بۇدان ارمەن كەز كەلگەن سەبەپپەن شىعا بەرەدى. تىعىرىقتان شىعۋدىڭ جولى - ەلباسى تولىق كەتىپ، پرەزيدەنت ءوزىنىڭ پرەزيدەنت ەكەنىن كورسەتۋى كەرەك. سوڭعى بولعان وقيعالاردان كەيىن حالىق ءترانزيتتىڭ جوق ەكەنىن، ەلباسى ءالى وتىرعانىن كوردى، ءبىلدى. ول كەتپەي تىنىشتىق جوق.

بيلىكتىڭ الدىندا تاڭداۋ تۇر. ءبىر كىسى كەتپەسىن دەپ ەلدىڭ الاڭعا شىعۋ قاۋپىن ۋاقىت وتكەن سايىن ارتتىرا بەرەدى مە، الدە پرەزيدەنتكە تولىق بيلىكتى بەرىپ، ەلدى قۋانتىپ، حالىققا ءبىر ءۇمىت بەرەدى مە؟.. تاڭداۋ وزدەرىندە. ساياسي ەليتا نە ەل جاعىنا، نە ەلباسى جاعىنا شىعۋى ءتيىس. ەلدىڭ شىدامى بىتۋگە تاياۋ.

بىزدە قىتايلار سەكىلدى ۇزاق كۇتەتىن كونفۋتسىيلىق مەنتاليتەت جوق. سوندا دا 30 جىل تىم ۇزاق شىدادى. بولمىسىنان ليبەرالدى حالىققا ءبىر وزگەرىس كەرەك.

 

باۋىرجان سەرىكباەۆ

"ادىرنا" ۇلتتىق پورتالى

پىكىرلەر