ابايلاڭىز، برۋتسەلليوز!

169

اۋىلدارداعى مال باسى وسۋىنە كەسىرىن تيگىزىپ وتىرعان كەسەلدىڭ ءبىرى-برۋتسەلليوز اۋىرۋى!
اۋىل، اۋدان اكىمشىلىگىنە قاراستى ۆەتەريناريا سالاسى ماماندارىنىڭ جۇمىس ىستەمەگەنىنەن، حالىق اراسىندا تۇسىندىرمە جۇمىستارى جۇرگىزىلمەگەندىكتەن اۋىرۋدىڭ وسى ءتۇرى ءورشىپ تۇر.
اياگوز اۋدانى، اقشي اۋىلى بتس اۋىرۋى وشاعىنا اينالىپ، ءبىر جىل كارانتينگە جابىلعاندا اۋىلدا مۇلدەم مال قالمادى دەسە دە بولادى.
بتس دەپ انىقتالعان 250 باس ءىرى - قارا بازاردا ارزان باعادا ساتىلسا، كەيبىر تۇرعىنداردىڭ «وسى اۋىرۋ مەنىڭ دە مالىمنان شىعىپ قالادى»-اۋ دەپ، مال قانىن تەكسەرتپەستەن، الدىن الا ساتىپ جىبەرگەن مال باسىندا ەسەپ جوق. ەندى وسىعان  دەپ انىقتالعان، ۇساق مال سانىن قوسىڭىز.
برۋتسەلليوز دەپ تانىلىپ سويىلعان مال ىشەك-قارىندارى كومىلمەي كورىنگەن جەرلەرگە تاستالعان. ونى جەگەن اۋىل يتتەرى-بۇل اۋىرۋدى باستى تاراتۋشىلار.
جۇيەلى جۇمىس بولماعان جەردە، بۇل اۋىرۋعا توقتاۋ جوق.
كورشىلەس وتىرعان مەنىڭ اۋىلىم تارباعاتاي بيىل وسى اۋىرۋدىڭ وشاعىنا اينالىپ، كارانتينگە جابىلدى. ەندى سوڭى نە بولارى بەلگىسىز.

وسى اۋىرۋ مالدار ەتى بازاردا ساتىلىپ، حالىق تۇتىنىپ وتىر. اۋىرۋ جۇقتىرىپ العان ادامداردا دا جوق ەمەس.
بازاردان ەت العاندا، وتە اباي بولۋ قاجەت.
كوررۋپتسيانىڭ قازىرگىدەي ءورشىپ تۇرعان زامانىندا، برۋتسەلليوز دەپ تانىلعان 20 باس سيىر ەتىن بازاردا قىمبات باعاعا ساتۋ ءۇشىن، «ماڭقا» ۆەتۆراچقا 40 مىڭ تەڭگە بەرسەڭىز بولدى، ول انىقتاماڭىزعا «بتس» بەلگىسىن قويماي-اق جىبەرە سالادى.

 

تورتۋىل شوقان

"ادىرنا" ۇلتتىق پورتالى

پىكىرلەر