ميتينگ. الماتى، كوكشەتاۋ جاڭاوزەندىكتەردى قولدادى

186

قالالىق اكىمشىلىكتىڭ الدىنا 30 شاقتى الماتى تۇرعىندارى جاڭاوزەندىكتەردى قولداۋ ماقساتىندا شەرۋگە شىقتى. قولدارىندا "قىتايدىڭ زاۋىتتارىنا جول جوق، قىتاي ەكسپانتسياسىنا قارسىمىز!" دەگەن پلاكاتتار بار. الايدا ۇشتىك قۇرىلىمدار سىرتتان عانا باقىلاۋ ۇستىندە. ميتينگكە قوعام بەلسەندىلەرى، ونەر ادامدارى مەن جۋرناليستەر دە قاتىسۋدا. سولاردىڭ ءبىرى بەلگىلى رەجيسسەر ەركىن راقىشوۆ اعامىز "ادىرنا" ۇلتتىق پورتالىنىڭ ءجۋرناليسى قويعان سۇراقتارعا جاۋاپ بەردى. ول: "قازىر قازاقستاندى جاۋلاپ الۋ ساياساتى ءجۇرىپ جاتىر. اڭقاۋ قازاقتارعا جەڭىل نەسيە بەرۋ، قىتايداعى قارىنداستارىمىزدىڭ ساياسي لاگەرلەردە جاتۋى جانە 55 زاۋىتتىڭ سالىنۋى ءبىزدىڭ بيلىكتىڭ قىتايعا تاۋەلدى ەكەنىن بىلدىرەدى. كەشە توقاەۆتا ەلىمىزدىڭ جەرى ساتىلمايدى دەگەنىمەن، جالعا بەرىلمەيدى دەگەن ءسوزدى ايتقان جوق. دەمەك جەرىمىزدى قىتايلار جالعا الىپ جاتىر. بۇل قيىندىقتان ءبىزدى قورعاپ قالاتىن تەك قانا حالىق" دەيدى.
ال قوعام بەلسەندىسى قۇرال سەيىتحانۇلى: "كەشە جاڭاوزەندىك جىگىتتەر نەگە قازاقستاندىق جىگىتتەر شىقپايدى دەپ ايتتى عوي. سول سەبەپتەن نامىسقا تىرىسىپ شىقتىق. قىتايلىق قازاقستاننىڭ ەركەگى دە، ايەلى دە، بيلىگى دە ساتىلادى دەگەن تۇسىنىكتە. ءبىز ساتىلمايمىز." دەپ ءسوزىن تۇيىندەدى.
سونداي-اق بۇگىن ساعات 13:00 شاماسىندا كوكشەتاۋداعى ابىلاي حان ەسكەرتكىشىنىڭ الدىندا قىتاي ەكسپانسياسىنا قارسى جەتى ادام قارسىلىق شاراسىن ءبىلدىردى. ولارعا ەكى ەسە كوپ پوليتسيا قىزمەتكەرى كەلىپ، 5-10 مين ىشىندە قولدارىن بۇراپ الىپ كەتكەن كورىنەدى.
ەستەرىڭىزگە سالا كەتەيىك، 2-قىركۇيەكتە جەرگىلىكتى حالىق ەكى تالاپپەن كوشەگە شىقتى. ءبىرىنشىسى قىتايدىڭ 55 زاۋىتىنىڭ قازاق جەرىنە كىرۋىنە تيىم سالۋ. ەكىنشى تالاپ جەردى ساتپايمىز. وسى ەكى تالاپپەن جاڭاوزەن كەشەدەن شەرۋلەتىپ جاتقان بولاتىن.

"ادىرنا" ۇلتتىق پورتالى

پىكىرلەر