جولداعى اۋىل

164

“تۋعان جەر” شىعارماشىلىق بايقاۋىنا قاتىسۋشىلاردىڭ تۋىندىلارىن پاراقشامىزعا جاريالاۋدى باستادىق. كەلەسى كەلىپ تۇسكەن تۋىندى «ۇزدىك پوەزيا» اتالىمى بويىنشا مۇحتار كۇمىسبەك.

اۆتور: مۇحتار كۇمىسبەك

 بايلانىس تەلەفونى: 8-775-301-01-29

 

 

 

جالعىزدىڭ جاساۋىنداي جولداعى اۋىل،
جەتىمنىڭ كوز جاسىنداي سالماعى اۋىر.
كارتاعا ەنبەي قالعان جورگەك-مەكەن،
جانىمنان ءتاتتى سىندى سوندا دا بۇل.

مەن وعان قالاي عانا سوقپاي كەتەم،
سورىما ءبىتتى قالا.
جاتتاي بوتەن.
باسىندا وتىرسام دا باقىتىمنىڭ،
ءبارىبىر جانىڭ بايىز تاپپايدى ەكەن.

جومارتتىق كەلتىرەر مە جانعا ءزابىر،
پايداسىز دۇنيەدەي پاڭدانادى ۇل.
قارت وتىر قاراۋىلداپ قاراشا ءۇيدى،
"قۇدايىم قايىر بەر" دەپ قارعاما بۇل.

مەن كوشكەم!
ول دا كوشپەك بۇل ارادان،
دەرتىم بە دۇنيەدەن سۇراپ العان.
وشاق تۇر وقشاۋ كۇنگە قىزدىرىنىپ،
وبالىن ءوزى تارتار مىنا جالعان.

قايتەيىن...
جەلىكتىرىپ از عانا ارمان،
قالاعا اۋدى عۇمىر كوز قالاعان.
بەسىگىن تەربەپ جۇرتتىڭ بەسىن اۋا،
بوزارىپ ارتتا قالدى بوزقاراعان.

بوزارىپ ارتتا قالدى بوزقاراعان...

 

پىكىرلەر