دوستار! مەن قازاق تىلىندە قىزمەت تالاپ ەتكەن ءۇشىن ماعان جالا جاۋىپ، سوتقا تارتىپ جاتىر!
ماعان اتاق ىزدەۋشى ەمەس، شىن ءتىلىن، ەلىن سۇيەتىن ادۆوكاتتاردىڭ، قۇقىققورعاۋشىلاردىڭ، بلوگگەرلەردىڭ، باق جانە بارلىق ءتىل ماسەلەسىنە نەمقۇرايلى قارامايتىن ادامداردىڭ كومەگى قاجەت!
باستاپقىدا 05.05. 2019 ج. كۆون ليليا ۆلاديميروۆنا، ونىڭ جالعا بەرۋشىسى يسكاكوۆا مەرۋەرت ارىستانبەكقىزى مەن تانىسى نەسمەيانوۆا يرينا پەتروۆنا مەنى ۇلتارالىق ارازدىق تۋدىردى دەپ ايىپتادى، بىراقوسى باپ بويىنشا پوليتسيا ءوتىنىمدى قاراستىرمايدى. ودان كەيىن، مۇمكىن پوليتسيا قىزمەتكەرلەرىنىڭ كەڭەسى بويىنشا، 16.05.2019 جىلى ولار قازاق تىلىندە قىزمەت كورسەتۋدى تالاپ ەتىپ بالاعات سوزدەرمەن جابىرلەدى دەپ جاڭا مالىمدەمە جاسادى! ءبىرىنشى جانە ەكىنشى مالىمدەمەلەردىڭ ەشقايسىسى دا شىنايى ەمەس، بىراق ءبىزدىڭ سوت جانە قۇقىق قورعاۋ ورگاندارىنا شىندىق كەرەك ەمەس.
شىن مانىندە، ءبارى كەرىسىنشە – ءوتىنىش بەرۋشىلەر مەنى بالاعاتتاپ، جەكە باسىمنىڭ جانە ۇلتتىق ار-نامىسىمدى جابىرلەدى.
بۇل ارىز بەرۋشىلەردى مەنىڭ ءۇيىم جاتاتىن بولىمشەلىك پوليتسيانىڭ بۇرىنعى قىزمەتكەرى ، قازىر ۋچاسكەلىك اعا پوليتسيا قىزمەتكەرى اسانوۆ ەدىل قولداپ، كەڭەس بەردى دەپ ويلايمىن، ويتكەنى الدىڭعى جىلدارى مەن ۆەگا پيك (پاتەر يەلەرىنىڭ كووپەراتيۆى) بۇرىنعى ءتورايىمى ن.ا. نوۆيكوۆانىڭ زاڭسىز ارەكەتتەرىنە قارسىلىق كورسەتكەندە اسانوۆ ە.ب. ونى قولداپ، ونىمەن بىرىگىپ مەنى كۋدالاعان. سوسىن مەن استاناداعى بارلىق مەملەكەتتىك ورگاندارعا ارىزدانۋعا ءماجبۇر بولدىم.
اسانوۆ ە.ب. جانە نوۆيكوۆا ن.ا. كەك الۋ ءۇشىن بارلىق مۇمكىندىكتى پايدالانعىسى كەلەدى، ولار يساكوۆا م.ا. مەن ەتەنە تانىس.
16.05.2013 ج. ساعات 21.00-دە ۇيىمە كيزمەتاەۆ ولجاس جانبولاتۇلى پوليتسيا قىزمەتكەرى كەلىپ، جەرگىلىكتى پوليتسيا قىزمەتىنىڭ باسشىسىنىڭ ورىنباسارى ورازاليەۆ ەلدوس سەرىكقانۇلى جوعارىدا اتالعان تۇلعالاردىڭ جاڭا مالىمدەمەسىن جەدەل تەكسەرۋدى تالاپ ەتىپ جاتىر دەدى. مەنى تەز ايىپتاۋ كەرەك بولىپ جاتىرعان كورىنەدى. مەنى قر اكىمشىلىك قۇقىق بۇزۋشىلىق تۋرالى كودەكسىنىڭ 434-بابىنىڭ 1-ءبولىمى بويىنشا ايىپتالۋدامىن – سوت وسى اپتادا وتكىزىلۋى ءتيىس، ناقتى قاشان ەكەنى بۇگىن بەلگىلى بولادى.
مەنى قولداعىسى كەلگەندەر قز ءىىم، باس پروكۋراتۋرا پاراقشاسىنا جازۋعا، جانە مينيسترلىك قىزمەتكەرلەرىمەن بايلانىسىپ ماعان قولداۋ كورسەتۋگە بولادى.
جۇلدىزاي فورت
رەداكتسيادان: ءبىز جۇلدىزاي فورتقا حابارلاسىپ، ماسەلەنىڭ ءمان-جايىن سۇراستىردىق. سوتتى 6-شى ماۋسىمعا اۋىستىرىپتى. جۇلدىزاي فورتتىڭ تالابى بويىنشا. ويتكەنى، سوتقا ادۆوكات جالداپ، دايىندالۋ كەرەك دەيدى. مەكتەپتى دە، ۋنيۆەرسيتەتتى دە ورىسشا ءبىتىرىپ، ماسكەۋدە ءبىلىم السا دا، 12 ءتىل بىلسە دە، تەك قانا قازاق تىلىندە سويلەپ جۇرگەن جۇلدىزاي ءبىزدىڭ "پوليگلوتتارعا" ۇلگى بولارلىق. ءبىز وسى سوت بارىسىن باقىلاۋىمىزعا الامىز.
