Ақмолада әйел адам жоғалып кетті, деп хабарлайды "Адырна" ұлттық порталы.
Облыстық полиция департаменті 31 қазан күні сағат 19:00 шамасында Астрахан ауданының 31 жастағы тұрғыны үйден шығып кетіп, оралмағанын растады.
Оның жоғалып кеткені туралы туыстары полицияға хабарлаған.
Әйелдің белгілері: бойы – 158 сантиметр, дене бітімі орташа, шашы ұзын қара, қой көз. Ол ашық джинс шалбар, қара капюшоны бар қара күрте және ақ кроссовка киген.
"Полиция департаменті із-түзсіз жоғалған Екатерина Александровна Боялскаяның қайда болуы мүмкін екені туралы білетіндер болса, дереу 102 нөміріне хабарлауды өтінді", - делінген хабарламада.
