Каспий теңізіндегі Бендер-Энзели портына жасалған шабуыл Ресей және басқа да мемлекеттердің экономикалық мүдделеріне әсер етті, деп хабарлайды "Адырна" ұлттық порталы порт жаңалықтарына сілтеп.
Ресей СІМ Мария Захарова мәлімдегендей, Каспий теңізіндегі Бендер-Энзели портына жасалған шабуыл бірнеше мемлекеттердің экономикалық мүдделеріне әсер етті.
Дипломатиялық ведомство өкілі Каспий аймағы әрқашан «бейбітшілік пен ынтымақтастық алаңы» ретінде қабылданғанын еске салды. Оның пікірінше, агрессорлардың «ақылсыз әрі жауапсыз әрекеттері» Каспий маңы мемлекеттерін әскери қақтығысқа тарту қаупін тудырып отыр.
Сонымен қатар, Мария Захарова әскери әрекеттерді дереу тоқтатып, Таяу Шығыстағы жағдайды саяси жолмен реттеуге бағытталған күш-жігерді қайта жалғастыруға шақырды.
