Қостанай қаласында бес қабатты тұрғын үйдің төртінші қабатындағы пәтерден шыққан өрт сөндірілді, деп хабарлайды "Адырна" ұлттық порталы Курсивке сілтеп.
Облыстық төтенше жағдайлар департаментінің хабарлауынша, төрт ересек пен бір бала құтқарылған. Оқиға 21 қарашада болған.
Олар медициналық тексеруден өту үшін жедел жәрдем бригадасына тапсырылған.
ТЖМ мәліметінше, өрт сөндірушілердің жедел және үйлесімді жұмысының нәтижесінде жалын толық оқшауланып, сөндірілген. Зардап шеккендер туралы қосымша ақпарат кейінірек хабарланады. Қазіргі уақытта өрттің шығу себебі анықталып жатыр.
