«Адырна» ұлттық порталының YouTube арнасының кезекті қонағы – Жамали Диханұлы. Ол қазақ рухын дене, өнер және тәрбие арқылы дәлелдеп жүрген тұлға ретінде танымал.
Жасанды батырлар дәуірінде Жамали өз әрекетімен сөйлейді. Оның көрсеткіштері таң қалдырады: 6 метр биіктіктегі 300 пышақтың үстімен жүру, Гиннес рекорды мен 15 мың адамды «Қаражорғаға» билеткен бірлік — барлығы қазақ рухын сақтап қалуға бағытталған.
Жамали Диханұлы жастарға ерліктің үндеумен емес, әрекет арқылы көрінетінін дәлелдейді. Ол сұхбатында қорқынышты жеңу жолдары, рухани күштің және тәрбиенің мәні жайлы айтты. Оның ойынша, шын батырдың көрінісі сахнада емес, күнделікті өмірде байқалады, ал жеңіс — ең алдымен өзіңді жеңуден басталады.
