Ресейдің сыртқы істер министрі Сергей Лавров Украинадағы бітім шарттары туралы сұхбат берді, деп хабарлайды "Адырна" ұлттық порталы Caliber.Az-ға сілтеме жасап.
Лавровтың айтуынша, Украинадағы бітімнің басты шарты – Ресей құрамына жаңа аумақтардың қосылуын халықаралық деңгейде мойындау.
«Бейбітшілік берік болуы үшін Қырым, Севастополь, ДХР, ЛХР, Запорожье және Херсон облыстары референдум нәтижесінде қосылғаннан кейін пайда болған жаңа аумақтық шындық халықаралық-құқықтық тұрғыда мойындалуы және рәсімделуі қажет», – деді ресейлік министр.
Бұдан бөлек, Ресей СІМ басшысы «бейбітшілік Ресей қауіпсіздігіне төнетін қауіптер жойылмайынша мүмкін емес» екенін, оған НАТО-ның кеңеюі де кіретінін айтты.
Сонымен қатар, бітім үшін Украина бейтарап, әскери одақтарға қосылмаған және ядролық мәртебеден тыс ел болуы қажет екенін жеткізді.
