• Қазақ
  •   
  • Qazaq
  •   
  • قازاق
  •   
    Home » Sport » Qonysbaev aty-jónin qazaqshalaýǵa qarsy

    Qonysbaev aty-jónin qazaqshalaýǵa qarsy

    Fýtbol – ózge elderde memleket qazynasyna mıllıondaǵan qarjy quıyp otyrǵan tabys kózi. Al bizde el bıýjetiniń maıly jiligin mújigen masyl sport. Ataqty «Global Sports Salaries» kompanııasynyń jaqynda ǵana jarııalaǵan málimetinshe, Qazaqstan Premer lıgasy fýtbolshylarǵa jalaqy tóleýden álem boıynsha 25-shy orynda tur eken. Elimizde dop tebetin fýtbolshylar orta eseppen jylyna 148 513 dollar (aıyna 12 376 dollar) tabys tabady. Shetelde fýtbolshylarǵa tólenetin jalaqy qarapaıym halyqtyń qaltasynan shyqpaıdy. Ár komandanyń jeke ıesi, óz demeýshisi bar. Al bizdiń elde birneshe júz fýtbolshyǵa jylyna 150 myń dollardy halyq tólep berip otyr.

    Qarapaıym halyq aýyzynan jyryp bergen aqshaǵa semirgen fýtbolshylarymyz aspanda qalqyp júr. Eýropa túgili Reseıde dop tebe almaıtyn bizdiń qatardaǵy fýtbolshylar ózderin qol jetpes «juldyz» sanaıdy. Halyqtyń esebinen júrgenderin umytyp, halyq aldynda jaýap bergisi kelmeıdi. Bizdiń eldiń fýtbolshylarynan suhbat alý álemdik deńgeıdegi ataqty adamdardan suhbat alǵannan qıyn. Máselen dál osy fýtboldaǵy basty júlde «Altyn dop» syılyǵyn bes retten alǵan Krıshtıaný Ronaldý men Lıonel Messı tilshilerge suhbat berýden bas tartypty degendi áli estip kórgen joqpyz. Suhbat berý degen istep jatqan isińnen el aldynda esep berý ekenin bizdiń fýtbolshylar eshqashan túsinbes.

    El aldynda esep berý bylaı tursyn, qazaqstandyq fýtbolshylar ánuran aıtýdan da namystanady. Ulttyq quramalar arasynda match bastalarda qarsylas eki eldiń ánurany oryndalatyn dástúr bar. Qazaqstan quramasy kimmen kezdesse de qarsylas quramanyń fýtbolshylary óz eliniń ánuranyn jan-tánimen aıtyp turady. Qarap qyzyǵasyz. Al bizdikiler ernin jybyrlatýdan asa almaıdy. Keıbiri tipti ernin de qozǵamaıdy. Eger osy sózimizge kúmánmen qarasańyz, ǵalamtordan Qazaqstan quramasynyń kez-kelgen matchyn qaıtalap kórińiz.

    Ulan Qonysbaev degen fýtbolshy bar. 2016 jyly aýyr jaraqat alyp, jasyl alańǵa byltyr ǵana oraldy. Negizi táp-táýir oıynshy. Jaqynda sol fýtbolshy óziniń Instagram stories-ynda sýret jarııalady. «Rýhanı jańǵyrý» baǵdarlamasy aıasynda ótken saltanatty is-sharaǵa fýtbolshyny shaqyrǵan eken. Ulannyń ókinishine oraı arnaıy shaqyrý bıletine onyń famılııasy Qonysbaı bolyp jazylyp ketken. Al óz teginiń Qonysbaev bolyp jazylǵanyn maqtan kóretin bizdiń jigit uıymdastyrýshylarǵa “Qonysbaı” dep jazý qate ekenin eskertipti.

    Shaqyrý bıleti resmı qujat emes. Onyń ústine «Rýhanı jańǵyrý» baǵdarlamasy aıasynda ótip jatqan jınalys. Demek Ulan Qonysbaev degendi Ulan Qonysbaı dep jazýdyń esh oǵashtyǵy joq. Oǵan bola syı-qurmetim túsip ketti dep sanasa fýtbolshynyń oı-deńgeıiniń dárejesi osy degen sóz. Aıtpaqshy, nege bulaı jazǵanyn fýtbolshynyń ózinen suradyq. Alaıda joǵaryda aıtqanymyzdaı, ózderin óte mártebeli sanaıtyn qazaqstandyq fýtbolshylar eshqashan suraqqa jaýap bergen emes.

    Esimin qazaqshalaýdan at-tonyn ala qashqan fýtbolshy jalǵyz Ulan emes. «Astana» komandasynyń jartylaı qorǵaýshysy Serikjan Mýjıkov degen jigit bar. Baıqap otyrǵandaryńyzdaı tegi Mýjıkov dep jazylyp tur. Al buny fýtbolshynyń ózi arnaıy talap etken. “Barlyq BAQ ókilderi tegimdi «Mujyqov» emes «Mýjıkov» dep jazsańyzdar eken” dep suhbat bergen osydan eki-úsh jyl buryn. Sóıtip Serikjan orystyń «mýjık» degen sózi úshin atasynyń atyn aýystyra salǵan.

    Sóz sońynda brazılııalyq ataqty fýtbolshy Ronaldonyń otanshyldyǵy jaıly aıta keteıik. Álem fýtbolynyń ańyzyna aınalǵan «qasqa tis» Brazılııa quramasymen birge eki márte álem chempıony atanǵan. 2002 jylǵy álem chempıonatynda top jarǵan soń Ronaldo jýrnalıstterge bergen bir suhbatynda: «Men endi Brazılııaǵa qaryz emespin» degen kórinedi. Qarapaıym fýtbolshy bolsa da Otan aldynda óteıtin boryshy bar ekenin osylaı seziný kerek. Biraq, esimin ana tilinde jazýdan namystanyp júrgen bizdiń fýtbolshylardan bundaı erlik kútýdiń ózi kúlkili.

    Prosports

    Pikir jazý

    Pochta jarııalanbaıdy. Tańdaýly óristi toltyryńyz *

    *

    x

    Check Also

    Shotlandııa bapkeri Qazaqstanǵa keletin oıynshylar tizimin bekitti

    Basty juldyzy, ári kapıtany aǵylshynnyń “Lıverpýl” komandasyndaǵy Endrıý Robertson. Shotlandııa quramasynyń bas bapkeri Aleks Maklısh ...