Главная
Жаңалықтар
Қазақстанның бір өңірінде локдаун жариялануы мүмкін

Қазақстанның бір өңірінде локдаун жариялануы мүмкін

15.10.2021

7337

https://adyrna.kz/content/uploads/2021/10/photorep_imageid_549369_8b686195dfea50d1585211036_d_850.jpg

Солтүстік Қазақстан облысы толық локдаунға жабылуы мүмкін, деп хабарлайды "Адырна" ұлттық порталы Петропавловск.news. сайтына сілтеме жасап.

СҚО бас санитария дәрігерінің орынбасары Арман Күшбасовтың айтуынша, кейінгі кездері облыс бойынша тек 200-300 адам вакцина салдырады, бұл эпидахуалға кері әсер ете бастаған. Бірақ Қазақстанның барлық өңіріндегі жағдай бірдей емес. Мысалы, Түркістан облысында және Шымкентте вакцинация жоспары 30 қыркүйекте орындалған. Бүгінде екі өңір де "жасыл" аймақта. Вирус тарау қарқыны азайып,  шектеу шаралары жеңілдеген.
Ал Солтүстік Қазақстан облысында керісінше, вакцинация қарқыны азайып, ауру деңгейі өсіп жатыр.
"Екі аптадан бері Солтүстік Қазақстан облысы "қызыл" аймақта. Егер ауру деңгейі азаймаса мекемелердің жұмысын тоқтатып, локдаун жариялауымызға тура келеді. Әрине, бұл мәжбүрлі шара, себебі науқастар санының көбеюі медициналық мекемелерге салмақ түсіруі мүмкін", - дейді Арман Күшбасов.
"Адырна" ұлттық порталы 