Бүгін түнде Алматыда 9 қабатты тұрғын үйдегі пәтерлердің бірінде өрт шықты. Бұл туралы ТЖМ баспасөз қызметі айтты, деп хабарлайды «Адырна» тілшісі.
Министрлік тұрғын үй кешенінің Бостандық ауданында орналасқанын мәлімдеді.
«9-қабаттағы пәтерде өрт шықты. Төтенше жағдайлар министрлігі күштері 2 адамды құтқарып, баспалдақ маршымен 6 адамды эвакуациялады. Өрт сөндірушілердің жедел жұмысының арқасында шақырту түскен сәттен бастап 28 минуттың ішінде өрт сөндірілді»,—деп жазды ТЖМ баспасөз қызметі.
