Коуч Ақан Мергенбай әйелдерді ерлер не үшін ұратынын айтты. Бұл туралы ол желідегі парақшасында айтты, деп хабарлайды “Адырна” ұлттық порталы.
"Ер адам әйелді не үшін ұрады? Әйелдің мықтылығын сындыру үшін ғой. "Кешіріңіз отағасы" деп тұрса ұят қой ана әйелді ұру. Істейтінін істеп алып одан кейін барып сызылып тұрса ол бөлек әңгіме. Негізі нәзік әйелді ер адам ұрмайды. Ер адам ер адаммен қашан жаға ұстасады? Өзінше болып тұрған кезде", - деді ол.
Маманның пікірінше, "Мықты әйелдің қасында мықты ер адам болмайды” деген қағида бар.
"Не оның намысы құм болады. Не құмар ойын ойнайды. Не басқа әйел тауып алады. Үйге келгісі келмейді ол адам. Өйткені ол үйде нәзік, әлсіз әйелін көргісі келеді. Қашан нәзік әйелін көреді сол кезде мықты бола түседі ер азамат. "Әйел қалай мықты болады?" десек, шешім шығарумен, дауыс көтеруімен, ақша табуымен",- деді коуч.
