Фото:123RF/legion-media.ru
Атырау қалалық сотында ерекше әкімшілік іс қаралды. Соттың баспасөз қызметі хабарлағандай, жергілікті тұрғын үйінде үлкен жыланды рұқсатсыз ұстап келген, деп хабарлайды "Адырна".
Сот анықтағандай, әйел үйінде шамамен 30 кг салмақтағы және 3–3,5 метр ұзындықтағы жыланды ұстаған. Алайда мұндай экзотикалық жануарды ұстауға қажетті құжаттар оған берілмеген.
Әйелді жабайы жануарларды заңсыз ұстау бабы бойынша кінәлі деп таныды. Сот оған 10 МРП мөлшерінде айыппұл салды, бірақ жағдайларды ескере отырып, сома 30%-ға қысқартылып, 30 275 теңге көлемінде белгіленді.
Жылан тәркіленіп, енді мемлекет меншігіне өтеді. Сот шешімі әлі заңды күшіне енген жоқ.
Еске салсақ, бұған дейін Алматы облысы Қарасай ауданы Шамалған ауылындағы бір жеке үйде жылан байқалған еді. Бұл туралы ақпарат 112 жедел қызметіне түскен.
