Астанада Назарбаев Университетінің 22 жастағы студенті жатақхананың 12-қабатынан құлап, қаза тапты, деп хабарлайды "Адырна" ұлттық порталы Tengrinews.kz-ке сілтеп.
Оқиға 15 тамызда болғанымен, бұл туралы ақпарат жақында ғана белгілі болды. Қалалық полиция департаментінің мәліметінше, факті бойынша қылмыстық іс қозғалып, оқиғаның мән-жайы анықталып жатыр.
Университеттің баспасөз қызметі де қайғылы жағдайды растады. Олар марқұмның жақындары мен туыстарына көңіл айтып, жалған әрі тексерілмеген ақпарат таратпауға шақырды.
«Университет қайғырып отырған отбасына және жақындарына шын жүректен көңіл айтады. Қажетті шаралар жедел қабылданды: төтенше қызметтер мен құқық қорғау органдары жұмылдырылды, сондай-ақ психологиялық қолдау көрсетілуде», – делінген ресми хабарламада.
