Қару-жарақ пен ақша ұрлаған 300 адам шекарадан өтпек болған

152

Бұл туралы Ішкі істер министрінің міндетін атқарушы Ерлан Тұрғымбаев мәлімдеді, деп хабарлайды «Адырна» тілшісі baq.kz-ке сілтеме жасап.

Мемлекеттік шекараны кесіп өтпек болған кезде көлікпен және жаяу елден шықпақ болған үш жүзге жуық адам ұсталды.Олардан атыс қаруы, ұрланған мүлік, соның ішінде ұялы телефондар мен ұлттық және шетелдік валютадағы ірі көлемдегі ақша тәркіленді, - деді ол.

Тұрғымбаев қазіргі уақытта елде тәртіпті қалпына келтіру бойынша терроризмге қарсы операция жалғасып жатқанын айтты.

Бүгінде еліміздің барлық өңірлерінде жағдай тұрақталды. Құқық қорғау органдары бұған дейін басып алынған әкімдіктердің барлық ғимараттарын босатты. Коммуналдық нысандар мен тіршілікті қамтамасыз ету жүйелерінің жұмысы қалпына келтірілуде, - деді  Тұрғымбаев.

«Адырна» ұлттық порталы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket