КХДР басшысы Ким Чен Ын көпшілік алдына шығып, Корея жұмысшы партиясының отырысына қатысты. Бұл ретте британдық БАҚ солтүстіккореялық саясаткердің айтарлықтай арықтағанын атап өтті. Бұл туралы Daily Mail мен Daily Star жазды.
Басылым Ким Чен Ынның былтырғы оқиғалардағы суреттерін салыстыра отырып, осындай қорытындыға келген. Британдық БАҚ-тың хабарлауынша, КХДР көшбасшысының салмағы шамамен 20 келіге азайған.
Журналистер бұл басшының салмақ жоғалтуына «салауатты өмір салты, сондай-ақ Ким Чен Ынның шекараның жабылуына байланысты азық-түлік қиындығына тап болған КХДР азаматтарымен ынтымақтасу белгісі ретінде диетаны шектеу туралы шешімі себеп болуы мүмкін» деп болжайды.
“Адырна” ұлттық порталы
