Қазақстан Тәуелсіздігінің 30 жылдығы қарсаңында Бейбітшілік және келісім сарайында әлеуметтік маңызы бар мамандықтар өкілдеріне құрмет көрсету рәсімі өтті. «Алтын жүректі жандар» мүсіншесін 30 үздік медицина қызметкері, полицейлер, құтқарушылар, коммуналдық қызмет қызметкерлері, еріктілер мен журналистер алды, деп хабарлайды "Адырна" ұлттық порталы әкімдіктің ресми сайтына сілтеме жасап.
Концертке ҚР Премьер-Министрінің орынбасары Ералы Тоғжанов, Нұр-Сұлтан қаласының әкімі Алтай Көлгінов, Денсаулық сақтау министрі Алексей Цой және Төтенше жағдайлар министрі Юрий Ильин қатысты.
Ел Тәуелсіздігінің 30 жылдығында 30 үміткер «Алтын жүректі жандар» мүсіншесі мен алғыс хаттарға ие болды. Олардың арасында- Нұр-Сұлтан қаласы ПД жергілікті полиция қызметі басқармасының ювеналды полиция бөлімінің бастығы Нэлля Дощанова бар.
